Pangalawa na 'to! MOVIE NI ARJO, IPAPALABAS NA NAMAN SA CANNES FILMFEST

ni Nitz Miralles @Bida | May 12, 2023

Ipinakita ni Maine Mendoza ang kanyang suporta sa nobyong si Cong. Arjo Atayde sa pamamagitan ng pag-post at pag-promote ng proyektong kinabibilangan nito.

Ipinost ni Maine sa kanyang Instagram Stories ang poster ng drama series ni Cong. Arjo na may titulong Cattleya Killer.

Ang nasabing series ay produced ng ABS-CBN International Productions at mapapanood ito sa streaming platform na Prime Video.

Ipinost din ni Maine ang unang poster ng pelikulang Topakk na pinagbibidahan din ni Cong. Arjo na ipapalabas sa Cannes Film Festival.

Dadalo nga rito ang ina ng aktor na si Slyvia Sanchez, sapagkat ang Nathan Productions na pagmamay-ari nito ang producer ng nasabing movie.

Naka-schedule na itong ipalabas sa Cannes Film Festival ngayong darating na May 16 hanggang 27 at kung hindi kami nagkakamali, pangalawang pelikula na ito ni Cong. Arjo na napasama sa nasabing prestigious filmfest.

Anyway, spotted sa isang mall sina Maine at Arjo na nagsa-shopping ng panregalo yata ng dalawa sa mga mommies nila at sa magiging biyenan na rin ng isa't isa.

At baka humirit na naman ang ilang AlDub fans diyan na clone lang ni Maine ang kasama ni Cong. Arjo sa mall.