Pananakot at pagbabanta ni Gen. Antonio Parlade sa mga celeb, ‘di palalampasin ni Sec. Lorenzana

ni Pablo Hernandez III - @Prangkahan | October 25, 2020

HINDI LANG DDS BLOGGERS ANG NAGPE-FAKE NEWS, PATI HENERAL—Pinabulaanan ni Angel Locsin ang akusasyon ni Lt. Gen. Antonio Parlade, commander ng SolCom (Southern Luzon Command)/spokesman ng NTC-ELCAC (National Task Force-End Local Communist Armed Conflict) na miyembro ng NPA ang kapatid niyang si Ella Colmenares, at bilang patunay ay lumantad ang sister ng actress at sinabing siya ay aktibista at hindi rebelde o terorista tulad ng alegasyon ng heneral.

Kung ganu’n, hindi lang pala mga DDS ang may trip magpakalat ng fake news, kundi pati heneral ng AFP (Armed Forces of the Philippines), buwisit!

◘◘◘

GEN. “PABIBO”, PINATAMAAN NI TRILLANES—“Noong pinakawalan ni P-Duterte si Benito Tiamzon na kumander ng NPA na nahuli ng AFP na ngayon nag-uutos ng mga pag-ambush sa mga sundalo, wala namang umimik na general. Pero ‘pag artista na nag-e-express ng saloobin, maraming pabibo.” Ito ang post ni ex-Sen. Antonio Trillanes IV sa social media bilang patama kay Gen. Parlade.

Kung hindi sana naging taklesa si Gen. Parlade laban kina Liza Soberano, Miss Universe Catriona Gray at Angel, hindi siya nabansagang “pabibo” ni Trillanes, boom!

◘◘◘

GEN. PARLADE, LAGOT KAY SEC. LORENZANA—Maging si Defense Sec. Delfin Lorenzana ay hindi nagustuhan ang mga atake ni Gen. Parlade kina Liza, Catriona at Angel, kaya’t ipatatawag niya ito sa kanyang tanggapan para kuwestiyunin kung bakit tinatakot at pinagbabantaan nito ang tatlong aktres gayung naglalabas lang naman ang mga ito ng kanilang saloobin tungkol sa karapatan ng kababaihan.

Hala, lagot si Gen. “Pabibo”, este Gen. Parlade, he-he-he!