Pakistan, nagsagawa ng eleksyon

ni Eli San Miguel - Trainee @News | February 9, 2024

Nagsimula nang bumoto ang milyon-milyong Pakistani noong Huwebes sa isang eleksyon na puno ng mga paratang ng pandaraya, kung saan nakapiit ang pinakapopular na lider ng bansa, at isang kandidatong suportado ng militar ang inaasahang mananalo.

Sinabi ng mga otoridad na itinigil nila ang mobile phone services sa buong bansa habang nagaganap ang botohan upang mapanatili ang kapayapaan matapos ang marahas na kampanya sa eleksyon — kabilang ang dalawang pagsabog noong Miyerkules na ikinamatay ng 28 katao.

Inaasahan ng mga eksperto sa survey na magiging maliit lamang ang bilang ng mga botante sa 128 milyon na mga kwalipikadong botante ng bansa dahil sa isang malungkot na kampanya sa eleksyon na dominado ng pagkakapiit ng dating punong ministro na si Imran Khan at ang paghina ng kanyang partido na Pakistan Tehreek-e-Insaf.