Pagtatangka ng China na i-develop ang Sangley Airport sa Cavite, sopla!

ni Ka Ambo - @Bistado | January 28, 2021

Binasted ng Cavite ang pagtatangka ng korporasyon mula China na i-develop ang Sangley Point International Airport.

Mainam naman!

◘◘◘

Delikado sa matatanda at may mahinang katawan ang bakuna ng Pfizer at moderna.

Ito ay dahil sa paggamit ng “messenger RNA”.

Nagbubunsod ito ng malakas na enerhiya sa pagpo-produce ng unlimited na “anti-bodies”.

Dahil d’yan, siyempre—puwedeng kapusin ang resistensiya ng matatanda at may sakit!

◘◘◘

Mas ipinapayo ang paggamit ng non-replicating vaccines mula sa China, Russia at iba pa.

Mas kalmante ito at madaling makontrol ng naturalesa ng tao.

Ganyan lang kasimple ang paliwanag!

◘◘◘

Nagtataka tayo kung bakit ayaw ipaliwanag ng DOH ang teknikalidad ng bakuna.

Parang sirang-plaka na inuulit-ulit ang estatistikang nakatuon sa pananakot sa taumbayan imbes na nakatuon sa paglilinaw ng mga isyu!

◘◘◘

Kailangan ng Malacañang at IATF ay eksperto sa paglikha o pag-composed ng mga ulat na maglilinaw ng maseselan at komplikadong isyu.

Maraming inilalabas na impormasyon—ay hindi nauunawaan ng ordinaryong mamamayan!

◘◘◘

Dapat maunawaan kung ano ang “kahulugan ng komunikasyon”.

Tatlong aspekto ang komunikasyon—ang pinagmumulan ng impormasyon at ang tatanggap ng impormasyon.

Ikatlo ay ang medium o media—kung paano dadalhin at iaayos ang impormasyon mula sa pinanggalingan patungo sa tatanggap!

◘◘◘

Wala dapat aberya sa tatlong aspekto.

Kapag malabo o komplikado ang impormasyon, may aberya agad.

Dahil hindi ito makakaabot sa patutunguhan o sa mga dapat tumanggap!

◘◘◘

Satsat nang satsat at dakdak nang dakdak ang gobyerno—pero sila-sila lang ang nakauunawa ng kanilang mensahe.

Kapag ganyan, walang “komunikasyon” na naganap.

Ang naganap o magaganap ay pagkalito at aberya sa mga isyu tulad sa ating nararanasan ngayon!

◘◘◘

Dapat inuunawa ng maglalabas ng ulat—kung anong sektor ang target na tatanggap ng impormasyon.

Kung ang tatanggap ay ordinaryong tao o nasa hanay ng tinatawag na Class D at Class E—dapat iayos ang porma ng mensahe!

◘◘◘

Iniaayos dapat ang impormasyon o mensahe na angkop sa talino, kakayahan, estilo at kultura ng tatanggap ng impormasyon.

D’yan papasok ang “media” o ang pagdaraanan ng daloy ng impormasyon.

Pero, dapat mula pa lamang sa pinanggalingan ng impormasyon ay pinagagaan na ito!

◘◘◘

Nakalulungkot na walang ekspertong communication experts ang Malacañang.

Pinulot lang ang mga ‘yan sa kangkungan at nagging benepisaryo ng “bayad-utang-na-loob” mula sa halalan.

Tsk-tsk-tsk!