Pagpapagamot sa Indian doctor, epektib… KRIS, NAKA-RECOVER NA, BYUTI NA ULI

ni Julie Bonifacio @Winner | May 18, 2023

Marami ang natuwa sa latest picture ni Kris Aquino na ipinost ng celebrity make-up artist and hairstylist na si Bambbi Fuentes sa kanyang Facebook account kahapon.

She looks better na kasi kumpara sa mga pictures niya months back. Mukhang she's on her way to full recovery, kung ibe-base sa hitsura ni Kris sa picture niya with Bambbi and youngest son na si Bimby.

Caption ni Bambbi sa picture niya with Kris and Bimby Yap on her FB post: "Finally reunited with beautiful inside and out, @krisaquino and handsome Bim. Thank you for the love! ❤❤❤"

Si Bambbi ang isa sa mga pinakamatagal na makeup artists and hairstylists ni Kris. Kahit may ibang kinukuha na makeup artist at hairstylist si Kris, nanatili ang friendship nila ni Bambbi.

Sa kondisyon ngayon ni Kris, base sa litrato nila ni Bambbi, mukhang effective ang treatment ng Indian doctor na huling sumuri sa Queen of All Media.

Hindi malayo't makakabalik na rin ng Pilipinas si Kris, kasama ang kanyang dalawang anak na lalaki. Siyempre, kasama rin ang ever reliable and dependable niyang assistant na si Alvin Gagui.

At dahil diyan, umapaw ang pagkatuwa ng mga netizens na nag-post ng reaksiyon nila sa comment section ng nasabing FB post ni Bambbi dahil sa pagbuti ng katawan ni Kris ngayon.

"Kris looks good. Please, let her know that everyone is praying for her."

"Sending love. Happy to see you both together. Okay na si Kris, praise God."

"Pretty Kris. Glad that she's recovering pretty well."

Nagpunta sa Amerika si Bambbi para sa wake ng kanyang inang namayapa na weeks ago. Sa US na kasi nakatira ang ina ni Bambbi.

Kaya naman agad na dinamayan ni Kris si Bambbi by giving her free airplane ticket papunta ng US. And take note, business class pa ang ibinigay na ticket ni Kris for Bambbi.

Caption ni Bambbi sa picture niya habang nasa business class ng eroplano sa kanyang FB post: "I'm sooo grateful to have a great comforting, generous friend in times of grief like @krisaquino who sponsored my PAL business class ticket to Los Angeles for my Mama Dearest's wake on May 20th. Forever grateful for your love and kindness. See you, love you!”

Ganyan ka-generous si Kris sa kanyang mga kaibigan kahit pa halos ilang taon na siyang walang work at nakaratay din sa sakit.

Pagkatapos mailibing ng ina ni Bambbi, pinasyalan niya si Kris sa tinutuluyan nitong bahay sa Amerika.