Pagkakaiba ng murder sa homicide

ni Atty. Persida Rueda-Acosta - @Magtanong Kay Attorney | July 30, 2022

Dear Chief Acosta,

Ang kapatid ko ay napatay sa rambol sa aming lugar. Ayon sa salaysay ng testigo, nakita diumano nila na pinagtulungan ng dalawang tao ang aking kapatid. Ang isa rito ay sumusuntok sa aking kapatid habang ang isa ay siyang sumaksak sa kanya. Nahuli at nakasuhan ang dalawang ito ng murder dahil sa alegasyon na abuse of superior strength. Ngunit sa kabila ng mga ebidensya at testimonya, naglabas ng hatol ang husgado at pinatawan lamang ang mga pumatay sa akin kapatid ng homicide. Tama ba ito? - Jayden

Dear Jayden,

Ang sagot sa iyong katanungan ay sinagot ng Korte Suprema sa kaso ng People of the Philippines v. Cyrus Villanueva y Isorena and Alvin Sayson y Esponcilla, G.R. No. 226475, March 13, 2017, kung saan tinalakay ang mga pamantayan para masabing mayroong abuse of superior strength. Ayon kay Dating Mahistrado Bienvenido L. Reyes:

“xxx The fact that the accused-appellants and Valencia, armed with a knife and a stone, ganged up on Enrico does not automatically merit the conclusion that the latter’s killing was attended by the qualifying circumstance of abuse of superior strength. In People v. Beduya, et al., brothers Ric and Elizer Beduya (Elizer) were charged for the death of Dominador Acope, Sr.; it was shown that Ric slapped the victim while Elizer stabbed the latter. The Court, elucidating on the proper appreciation of the circumstance of abuse of superior strength, ruled that:

Abuse of superior strength is present whenever there is a notorious inequality of forces between the victim and the aggressor, assuming a situation of superiority of strength notoriously advantageous for the aggressor selected or taken advantage of by him in the commission of the crime. The fact that there were two persons who attacked the victim does not per se establish that the crime was committed with abuse of superior strength, there being no proof of the relative strength of the aggressors and the victim. The evidence must establish that the assailants purposely sought the advantage, or that they had the deliberate intent to use this advantage. To take advantage of superior strength means to purposely use excessive force out of proportion to the means of defense available to the person attacked. The appreciation of this aggravating circumstance depends on the age, size, and strength of the parties.” (Emphasis Ours; citations omitted)

Sang-ayon sa nasabing desisyon, hindi sapat na higit sa isa ang umatake sa biktima upang masabing nagkaroon ng abuse of superior strength. Ayon sa Korte Suprema, para masabing may abuse of superior strength, dapat maipakita sa pamamagitan ng ebidensya na may matinding pagkakaiba sa ginamit na puwersa ng akusado at sa depensang mayroon ang biktima at ang nasabing pagkakaiba ay tahasang ginamit para sa layuning makalamang sa biktima. Kasama sa mga ikinokonsidera ay ang edad, laki at puwersa ng mga partido. Sa iyong sitwasyon, maaaring hindi napatunayan ang mga nabanggit na aspeto ng abuse of superior strength, kaya hindi ito kinonsidera ng korte sa hatol nito.

Sana ay nabigyan namin ng linaw ang inyong katanungan. Ang payong aming ibinigay ay base lamang sa impormasyon na inyong inilahad at maaaring magbago kung mababawasan o madaragdagan ang mga detalye ng inyong salaysay.

Maraming salamat sa inyong patuloy na pagtitiwala.