Paggamit ng magkaibang brand ng first at second dose ng COVID-19 vaccine, pinag-aaralan na

ni Ka Ambo - @Bistado | April 25, 2021

Pinag-aaralan kung puwedeng gumamit ng magkaibang brand sa first at second dose ng bakuna.

Huh, puwede kung malayo ang pagitan!

◘◘◘

NAGTATAKA tayo kung bakit kailangan ipagyabang sa social media ang pagtulong sa kapwa.

Hindi ba puwedeng tahimik na lang?

◘◘◘

ISINUGOD sa ospital si Sen. Leila de Lima.

Nakalaya siya kung kailan nanganganib ang kanyang buhay!

◘◘◘

NAG-AAWAY ang mga opisya ng Maynila at Cavite.

Libre ang publisidad!

◘◘◘

WALANG excited sa mga susunod na talumpati ni P-Digong.

Parang “robot” na lang siya!

◘◘◘

SA kabila ng walang kuwentang “mensahe”, nanatili siyang popular sa ordinaryong tao.

Ordinaryo lang kasi ang “walang laman” ang idinadaldal sa publiko!

◘◘◘

BIBIHIRA lang ang mahusay magtalumpati.

Pinakabihasang mananalumpati ay si dating Pangulong Marcos!

◘◘◘

PINAKABIHASANG mambuska naman gamit ang talumpati ay si dating Sen. Ernie Maceda.

Sa ngayon, pinakamahusay mambuwisit ay si dating Speaker Peter Alan Cayetano!

◘◘◘

HINDI ka maiinip sa pakikinig kay Marcos kasi’y makakapulot ka ng karunungan.

Hindi iiwanan ang talumpati nina Maceda at Cayetano—makapupulot ka kasi ang estilo sa pang-aasar!

◘◘◘

MARAMI ang nakakagusto ng talumpati ni P-Digong.

Bakit?

Sa ngayon ay may depresyon ang mga tao, may insomnia at nahihirapang matulong.

Kahit walang sleeping pills, nakakatulog agad ang mga nakikinig sa talumpati ni P-Digong!

◘◘◘

SA totoo lang, therapeutic ang talumpati ni P-Digong.

Kay tagal mong hinintay, aantukin ka lang pala!

◘◘◘

MAHIRAP talaga ang maging pangulo.

Inaakala mong ikaw palagi ang tama.

‘Yung nais magpayo sa ‘yo ng “tama”, natatakot “tamaan”.

He-he-he!