Pagbebenta sa hindi pa nai-liquidate na ari-arian ng yumaong asawa

ni Atty. Persida Rueda-Acosta - @Magtanong Kay Attorney | January 15, 2022

Dear Chief Acosta,

Ano ang mangyayari kung hindi nai-liquidate ng aking hipag ang mga naipundar na ari-arian nila ng aking yumaong kapatid mula sa kanilang pagiging mag-asawa at maibenta niya ang alinman sa mga ito pagkalipas ng isang taon mula sa pagyao ng aking kapatid? – Utoy

Dear Utoy,

Para sa inyong kaalaman, ayon sa Article 130 ng Family Code of the Philippines, maliwanag na kapag hindi nai-liquidate ang conjugal assets ng mag-asawa sa loob ng higit anim na buwang pagkamatay ng isa sa kabiyak ay:

“Art. 130. Upon the termination of the marriage by death, the conjugal partnership property shall be liquidated in the same proceeding for the settlement of the estate of the deceased.

If no judicial settlement proceeding is instituted, the surviving spouse shall liquidate the conjugal partnership property either judicially or extra-judicially within six months from the death of the deceased spouse. If upon the lapse of the six-month period no liquidation is made, any disposition or encumbrance involving the conjugal partnership property of the terminated marriage shall be void.

Should the surviving spouse contract a subsequent marriage without compliance with the foregoing requirements, a mandatory regime of complete separation of property shall govern the property relations of the subsequent marriage.”

(Binigyang-diin.)

Samakatuwid, base sa nasabing probisyon ng batas, magiging walang bisa ang gagawin o ginawang pagbebenta ng inyong hipag sa anumang ari-arian na bunga ng kanyang pagpapakasal sa inyong yumaong kapatid, kung wala pang naganap na liquidation kaugnay nito matapos ang anim na buwan buhat ng pagkamatay ng kanyang asawa.

Sana ay nabigyan namin ng linaw ang inyong katanungan. Ang payong aming ibinigay ay base lamang sa impormasyon na inyong inilahad at maaaring magbago kung mababawasan o madaragdagan ang mga detalye ng inyong salaysay.

Maraming salamat sa inyong patuloy na pagtitiwala.