'Pag negosyante, todo-welcome… DIWATA, MASUNGIT AT 'DI NGUMINGITI 'PAG 'DI SIKAT NA VLOGGER ANG DUMADALAW
ni Erlinda Rapadas @Teka Nga | May 21, 2024
Pasado kay Marvin Agustin ang lasa ng Pares Overload at "siken joy" (fried chicken) ni Diwata nang personal niyang puntahan at tikman ang dinudumog ngayon na Pares Overload sa Pasay.
May ilang resto business na si Marvin at natikman na niya ang lahat ng klase ng pagkain. Maging sa mga sosyal na resto ay kinilatis na rin ni Marvin ang kalidad ng pagkain.
Kaya na-curious siya kung ano'ng meron sa Pares Overload ni Diwata at bakit ito pinagkakaguluhan at dinadayo pa ng mga tao galing sa iba’t ibang probinsiya.
Inikot ni Marvin Agustin ang kitchen area ni Diwata. Nakita niya kung paano tinitimpla ang sabaw at ang pagluluto ng "siken joy".
So far, pumasa naman kay Marvin ang lasa ng Pares Overload at "siken joy" ni Diwata na patok sa masang Pinoy. Napakasimple lang naman ng Pares Overload ni Diwata, nagklik lang ito dahil sa kakaibang promo na may unli rice at sabaw na may kasama pang softdrinks sa halagang P100 lang.
Ngayon ay marami na ang gumagaya sa Pares Overload ni Diwata.
Samantala, may napapansin ang ilan sa pagbabago ng ugali ni Diwata. Kapag daw kasi ordinaryong vlogger lang ang pumupunta sa kanyang paresan, masungit ito at hindi man lang ngumingiti ‘pag may nagpapa-picture.
Pero, kapag mayayamang sponsors at negosyante raw na nagbibigay ng ayuda ang dumarating ay todo ang kanyang pag-welcome.
Tsk! Sana naman ay hindi umakyat agad sa ulo ni Diwata ang kasikatan niya ngayon. Manatili siyang humble at maka-masa.
Comments