ni Janiz Navida @Showbiz Special | September 13, 2024
Isa lang si Heart Evangelista sa mga pumuri at nag-comment sa post ni Liza Soberano sa kanyang Instagram account ng mga photos and videos ng pagrampa niya sa New York Fashion Week.
Simpleng three raising hands emojis at "Yaz" lang ang naging comment ni Heart sa isa sa mga photos ni Liza, pero umani na ito ng maraming likes and comments mula sa mga IG followers ng dating aktres sa 'Pinas.
Coming from Heart nga naman na mas una nang nakilala at beterana na sa pagrama sa mga fashion week, that's something na napuri niya si Liza.
Ibig sabihin lang nito, tanggap at sinusuportahan ni Heart na bukod sa kanya, may isa pang Pinay na gusto ring makilala abroad sa pamamagitan ng pagrampa-rampa sa fashion week.
Pero just asking lang, 'no, bakit ang isinasabong sa kanyang si Miss Universe Pia Wurtzbach na todo-post rin ng mga pagrampa niya abroad, hindi nila-like man lang ni Heart?
'Di kaya siya nagagalingan o nai-impress sa mga galaw at fashion style ng ating Miss Universe?
Hmmm…
Madir ni Carlos, oks daw sumali sa Mrs. Phils. beauty pageant…
SIGAW NG NETIZENS: ANGELICA, WA' 'K', MAGBENTA NA LANG NG LONGGANISA!
NAKAKATAWA rin talaga ang mga Pinoy, 'no? Kung sino ang sikat at trending, pilit na ipapasok o ikokonek sa isang usapin o issue mapag-usapan lang.
Tulad na nga lang ng pagtatanong sa CEO ng Mrs. Philippines Organization, kung puwede bang mag-join sa upcoming Mrs. Philippines 2025 ang controversial mom ng two-time Olympics gold medalist na si Carlos Yulo na si Mrs. Angelica Poquiz-Yulo.
Ang sagot naman diumano ng tinanong na CEO-president ng beauty pageant organization ay may potential si Mrs. Angelica na maging beauty queen dahil sa kanyang fashion sense at mga achievements sa pagpapalaki ng apat na anak na pare-parehong athletic.
Kaya wish daw ng naturang CEO ay ma-meet niya ang nanay ni Carlos para maimbitahang sumali sa beauty pageant.
Komento tuloy ng isang netizen, "Ano'ng gagawin n'ya du'n? My God, gagawin lang siyang laughing stock or comic relief. Ano ba naman itong mga organizations na ito, pa-cheap nang pa-cheap. Kung ako sa mga legit na nangangarap maging beauty queen ('yung may K), 'di na ako sasali sa pageant na 'yan."
Hala, pati tuloy ang Mrs. Phils. Organization, nalait, ha?
Sabi naman ng isa pang nag-comment, "Really? But she's not a good example or role model to the other mothers out there."
Natawa naman kami sa opinyon ng isang netizen, "'Wag na siya sumali, magbenta na lang siya (ng) longganisa at rejuv set niya, hahaha!"
Oh, ha? Ni hindi pa nga sumasagot si Mrs. Yulo kung feel at game ba siyang sumali sa beauty contest, inuulan na siya ng mga nega comments. Eh, di lalo na siguro kung sasali nga siya.
Comments