ni Gerard Arce - @Sports | September 24, 2021
Susubukang mapanatili ni ONE strawweight World champion Joshua “The Passion” Pacio ang nalalabing titulo ng Team Lakay at ng bansa gayundin ang tapusin ang trilogy fight kontra sa dating kampeon na si Yosuke Saruta ng Japan, habang dalawang Filipino ang magtatangkang makasungkit ng panalo ngayong gabi sa ONE: Revolution sa Singapore Indoor Stadium.
Makalipas ang mahigit dalawang taon ng huling naglaban para sa titulo sina Pacio at Saruta, tatangkaing tuldukan ang matinding bakbakan kasunod ng parehong tangan na panalo sa isa’t isa, bilang isa sa tatlong World title fight na pangungunahan ng tapatan ni Christian “Warrior” Lee at Korean Ok Rae Yoon para sa ONE Lightweight title, habang itataya ni Capitan ng Thailand ang Bantamweight Kickboxing World championship kay Mehdi Zatout ng Algeria.
Huling beses idinepensa ng 25-anyos mula La Trinidad, Benguet ang ONE title kay Alex Silva na nagresulta sa split decision noong Enero 1, 2020 sa ONE: Fire and Fury sa MOA Arena. “Two years since that rematch, you can see in our past fights, we have been improving even Saruta. [I think] we have been improving and level up each day, same as well as we increase our motivations. We’ll going to show it tomorrow night and I see that it will be an explosive fight,” wika ni Pacio sa online press conference, na inaming bukod sa mahabang pagkakawala sa MMA scene ay nakipaglaban din ito coronavirus disease (COVID-19) sa pagpasok nitong taon.
“It’s been 1 year and 8 months and it’s very hard since pandemic and like earlier this year that I got COVID-19 and it’s hard but we’re a fighter in a circle and realize that we overcome the COVID and here we are 100% ready mentally, physically and spiritually and we’re on,” paliwanag ni Pacio.