ni Erlinda Rapadas @Teka Nga | May 29, 2024
Dumalaw at nagtagal sa huling gabi ng burol ni Direk Carlo J. Caparas sina Sen. Bong Revilla, Jr. at Congw. Lani Mercado. Marami raw masasayang memories ang naaalala nila kay Direk Carlo J. Ito raw ang nagdirek sa pelikulang Sa Dibdib ng Sierra Madre kung saan nagsimula at nabuo ang kanilang love story kaya naging ninong pa si Carlo J. sa kanilang mga anak.
Marami ring pelikula si Sen. Bong na si Carlo J. ang nagdirek, isa na rito ang Panday na tumatak sa marami.
Naging bahagi si Carlo J. sa pagle-level-up ng career ni Bong bilang action star kaya nalungkot ito sa pagpanaw ng inirerespetong direktor.
Samantala, may pangako naman si Sen. Bong sa mga anak ni Direk Caparas na kapag gumaling na ang kanyang injury sa paa ay gagawa siya ng another Panday movie bilang tribute sa yumaong direktor na si Carlo J. Caparas.
תגובות