P7.50 rollback sa diesel, P4.50 gasoline

ni Jeff Tumbado @News | May 30, 2026

Photo: File

Asahan sa susunod na linggo ang malakihang bawas-presyo sa produktong petrolyo bunsod ng positibong pagtanaw sa merkado kaugnay sa usapang pangkapayapaan sa pagitan ng Estados Unidos at Iran.

Ayon sa isang industry source, posibleng bumaba ang presyo ng diesel ng P6.50 hanggang P7.50 kada litro simula Hunyo 2.

Posible rin umanong magkaroon ng bawas-presyo sa gasoline na nasa pagitan ng P3.50 hanggang P4.50 kada litro.

Batay ang naturang pagtataya sa unang apat na araw ng trading sa Mean of Platts Singapore, na nagsisilbing benchmark sa presyo ng petrolyo sa Southeast Asia at isinama rin sa projections ang average foreign exchange rates.