Bigtime rollback... Diesel P11.04, gasoline P5.90, kerosene P11.82, LPG P13

ni Jeff Tumbado @News | June 23, 2026

Photo: File

Inanunsyo ng Department of Energy (DOE) ang malaking rollback sa presyo ng mga produktong petrolyo.

Inaasahang bababa ang presyo ng gasolina ng mula P3.90 hanggang P5.90 kada litro.

Ang diesel naman ay mula P9.04 hanggang P11.04 kada litro. Samantala, bababa rin ang presyo ng kerosene ng mula P9.82 hanggang P11.82 kada litro.

Ayon kay Energy Secretary Sharon Garin, ang mga pagbabagong ito sa presyo ay batay sa galaw ng pandaigdigang merkado noong nakaraang linggo.

Samantala, may bigtime rollback din sa Liquefied Petroleum Gas (LPG) sa Hulyo.

Ayon kay Arnel Ty, presidente ng LPG Marketers Association (LPGMA), naglalaro sa P12 hanggang P13 kada kilo ang posibleng ibaba sa presyo ng LPG kasunod ng napirmahang kasunduan sa pagbubukas ng Strait of Hormuz.

Katumbas ito ng P132 hanggang P133 na bawas-presyo o kada 11 kilogram na tangke ng LPG.

P5.71 rollback sa diesel, P0.32 gasoline, P2.50 kerosene

ni Mai Ancheta @News | June 16, 2026

Photo: File

Panibagong rollback sa presyo ng produktong petrolyo ang asahan ngayong Martes.

Ito ang inianunsiyo ng Department of Energy na inaasahang magpapagaan sa budget ng mga motorista.

Ang rollback ay ang mga sumusunod:

Diesel - P3.71 hanggang P5.71 per liter

Gasolina- bababa ng P0.32 o tataas ng P1.68 per liter

Kerosene - P0.50 hanggang P2.50 per liter

Ayon sa DOE, mayroong trend ng pagbaba sa presyo ng produktong petrolyo sa nakalipas na mga linggo sa gitna ng krisis sa Middle East.

Inaasahan ding magbubukas na ang Strait of Hormuz na dinadaanan ng mga barkong may kargang langis matapos magkasundo ang Amerika at Iran na itigil na ang  digmaan. 

P1.50 rollback sa gasoline... P4.50 dagdag-presyo sa diesel

ni BRT @News | June 6, 2026

Photo: File

May dagdag-bawas na aasahan sa presyo ng petrolyo sa susunod na linggo.

Batay sa resulta ng kalakalan ng Mean of Platts Singapore (MOPS) at average ng palitan ng salapi sa nakalipas na apat na araw, inihayag ng isang source mula sa industriya ng langis ang tinatayang pagbabago sa presyo ng mga produktong petrolyo:

Diesel – P4.00 to P4.50 per liter (hike)

Gasoline – P1.00 to P1.50 per liter (rollback)