ni BRT @News | April 27, 2026
Magpapatupad ng dagdag-bawas sa presyo ng produktong petrolyo ang mga kumpanya ng langis simula Martes, Abril 28.
Sa anunsyo ni Energy Department Secretary Sharon Garin, rollback ang aasahan sa diesel na P12.94 at sa kerosene ay P15.71 kada litro.
Habang increase naman sa gasoline na P0.53 kada litro.
ni Lolet Abania @News | April 17, 2026
Asahan na ng mga motorista ang isa pang malaking pagbawas sa presyo ng mga produktong petrolyo sa darating na linggo.
Base sa Mean of Platts Singapore (MOPS) trading sa nakalipas na apat na araw at sa foreign exchange averages, sinabi ng isang source sa industriya ng langis na magkakaroon ng posibleng rollback para sa diesel at gasolina sa susunod na linggo.
Ang tinatayang pagtapyas sa retail prices ng mga produktong petrolyo ay sa diesel, P17.00 hanggang P19.00 kada litro, gasolina na P2.00 hanggang P3.00 kada litro.
Ang MOPS ay ang average ng pang-araw-araw na price assessments para sa mga produktong petrolyo (tulad ng gasolina at diesel) kung saan traded sa Singapore, na nagsisilbing regional hub para sa Asian oil trading.
ni Jeff Tumbado @News | April 13, 2026
Posibleng maranasan ng mga motorista ang malaking bawas-presyo sa diesel sa susunod na linggo, na maaaring umabot hanggang P10.80 kada litro, kasunod ng inaasahang pag-usad ng usapang pangkapayapaan sa pagitan ng Estados Unidos at Iran sa pandaigdigang merkado ng langis.
Ayon sa isang source mula sa industriya ng langis, ang rollback sa diesel ay tinatayang nasa pagitan ng P8.80 hanggang P10.80 kada litro—mas mataas kumpara sa naunang pagtataya.
Samantala, ang presyo ng gasolina ay maaari ring bumaba ng hanggang P1.50 kada litro o manatiling walang pagbabago.
Matatandaang matapos ang ilang linggo ng mga pag-atake, inanunsyo ni US President Donald Trump ang tigil-putukan sa pagitan ng Amerika at Iran na nakatulong upang humupa ang presyo ng langis sa pandaigdigang merkado.
Gayunpaman, babala ng mga local player sa industriya ng langis, maaaring panandalian lamang ang pagbaba ng presyo sa mga gasolinahan dahil sa nananatiling hindi tiyak na sitwasyon sa rehiyon na pangunahing pinanggagalingan ng langis.
