P7.4 billion plunder sa flood control... Romualdez, ikukulong ko kahit nasa ospital — Jonvic

by Jeff Tumbado @News | September 8, 2026

Photo: Sec. Jonvic Remulla at Martin Romualdez - PNP - FB

Naihain na ang warrant of arrest laban kay dating Speaker Martin Romualdez sa Cardinal Santos Medical Center sa San Juan City, at itinuturing na siyang person deprived of liberty (PDL), ayon kay Interior Secretary Jonvic Remulla.

Ayon sa kalihim, kasalukuyang nasa ospital si Romualdez dahil sa pagiging unstable ng kanyang presyon at nakabantay sila hanggang sa bumuti ang kanyang kondisyon.

"Kahit gaano [siya kayaman], hindi niya kayang bayaran ang batas para payagan siya sa magandang lugar makukulong," ayon kay Remulla.

Tiniyak ng kalihim na dadalhin ang kongresista sa Payatas sa tamang panahon.

Samantala, naghain ang kampo ni Romualdez ng urgent manifestation for hospital confinement at urgent motion for continued hospital confinement under custody, ayon sa Sandiganbayan Third Division.

Ito'y matapos maglabas ng warrant of arrest ang korte laban kina Romualdez, dating Ako Bicol Rep. Zaldy Co, at dalawa pa kaugnay ng P7.4 billion plunder sa flood control.