P5 rollback sa diesel, gasoline
- BULGAR
- 3 hours ago
- 1 min read
ni Mervin Reyes @News | August 9, 2026
Photo: File
Posibleng bumaba nang hanggang P5 kada litro ang presyo ng gasolina at diesel sa susunod na linggo kasunod ng paghupa ng tensyon sa Gitnang Silangan at paglakas ng piso laban sa dolyar.
Batay sa galaw ng Mean of Platts Singapore (MOPS) at average foreign exchange rate sa nakalipas na apat na araw, tinatayang nasa P4.50 hanggang P5 kada litro ang maaaring ibaba sa presyo ng diesel at gasolina, ayon sa isang source mula sa industriya ng langis.
Nakatulong din umano sa inaasahang rollback ang paglakas ng piso laban sa dolyar ngayong linggo.
Karaniwang inaanunsyo ng mga kumpanya ng langis ang kanilang price adjustments tuwing Lunes at ipinatutupad kinabukasan.
Comments