ni Lolet Abania | May 15, 2022
Inilabas na ng Department of Budget and Management (DBM) ang P1.081 billion budget para sa sickness at death benefits ng mga public at private healthcare workers at non-healthcare workers na tinamaan o maaaring na-contract ang COVID-19 habang sila ay naka-duty sa gitna ng pandemya ngayong taon.
Sa isang statement ng DBM ngayong Linggo anila, ang mga nakaranas ng mild o moderate na personnel ay makatatanggap ng P15,000, habang ang mga naging severe o critical ay makakakuha naman ng P100,000.
Sinabi rin ng DBM na ang mga pamilya ng mga HCWs at non-HCWs na nasawi dahil sa COVID-19 habang naka-duty ang mga ito ay makatatanggap ng P1 million.
“The identification of COVID-19 classification of eligible HCWs and non-HCWs shall be based on the criteria set by the health department under DBM-DOH Joint Circular No. 2022-0002,” pahayag ng DBM.
“The funds were charged against the regular budget of the DOH under the FY 2022 General Appropriations Act. Thus, the compensation will be transferred by the Department of Health to DOH-retained and corporate hospitals, DOH Treatment and Rehabilitation Centers, and Centers for Health Development, among other attached agencies and institutions,” dagdag pa ng ahensiya.
Tiniyak naman ng DBM na patuloy ang gagawin nilang pag-apruba ng budget na nakalaan para sa mga frontliners kasabay ng paglaban pa rin ng bansa sa COVID-19 pandemic. Una nang sinabi ng DBM na nag-release na sila ng P7.92 billion para sa allowance ng mga healthcare workers at iba pang personnel na kabilang sa COVID-19 response.