Mas mataas ng P407B sa 2026... P7.2 trilyon budget sa 2027

ni Mylene Alfonso @News | June 27, 2026

Photo: Department of Budget and Management

Inirekomenda ng administrasyong Marcos ang panukalang P7.2 trilyong pambansang budget para sa 2027, na mas mataas ng anim na porsyento kumpara sa P6.793-T alokasyon ngayong taon, ayon sa Department of Budget and Management (DBM).

Batay sa National Budget Memorandum No. 158 na inilathala nitong Biyernes, Hunyo 26, ang panukalang P7.2-T pambansang budget para sa 2027 ay katumbas ng 21.7% ng gross domestic product (GDP) ng bansa. 

Mas mataas ito ng 6% o P407 bilyon kumpara sa P6.793-T budget na inilaan para sa 2026.

Inaasahang popondohan ng panukalang badyet ang mga pangunahing programa at proyekto ng pamahalaan sa susunod na taon, kabilang ang mga prayoridad sa imprastraktura, edukasyon, kalusugan, at iba pang serbisyong pampubliko. 

Nabatid na dadaan pa sa deliberasyon at pag-apruba ng Kongreso ang panukalang General Appropriations Act bago ito tuluyang maipatupad sa 2027.

DBM perfect score, nasungkit ulit ng PAO

ni BRT @News | April 29, 2026

Photo: File / PAO

Sa muling pagkakataon, natamo ng Public Attorney’s Office (PAO), sa ilalim ng liderato ni Atty. Persida Rueda-Acosta, ang perfect score na ibinigay ng Department of Budget and Management (DBM) hinggil sa 2025 Annual Agency Performance Review (AAPR) ng huli.

Ang nasabing AAPR ay ginawa para sa Department of Justice (DOJ) at attached agencies nito kasama ang PAO na kahit isa nang autonomous o hiwalay na ahensiya dahil sa Republic Act 9406 (PAO Law) ay bahagi pa rin ito ng una para lamang sa ‘policy and program coordination.’

Sa kabuuan, nakakuha ang DOJ ng puntos na 4.15 (very satisfactory) o 85.59% sa obligation performance nito at 86.69% naman para sa disbursement budget utilization.

“The PAO consistently achieved 100 percent utilization across all parameters,” ayon kay acting DBM Secretary Rolando Toledo sa kanyang komunikasyon na ipinadala kay acting DOJ Secretary Fredderick Vida.

Noong 2024, ang PAO rin ang nauna at nabigyan ng perfect score na lima para sa kaparehong ginawang financial at physical performance review ng DBM.

Habang ‘outstanding’ ang naging grado ng PAO sa 2025 AAPR report sa financial performance nito ay halos 100% naman ang natamong rating nito sa physical performance nito lalo sa pag-a-attend ng mga public attorneys nito sa court hearings at maging sa alternative dispute resolutions.

“PAO has consistently met and exceeded its performance targets for these indicators,” ayon sa nasabing DBM report.

Habang ikinatuwa ito ni Rueda-Acosta ay mabilis niyang itinuon ang kredito sa lahat ng mga empleyado at kapwa niya opisyal sa ahensya na aniya’y mahuhusay at buong-pusong naglilingkod lalo sa mga maralitang Pilipino.

“Batid din ng lahat nang bumubuo sa PAO ang kahalagahan ng integridad lalo sa usaping pinansyal ng ahensya na tama lang na gastusin ayon sa mga programa nito lalo na para sa kapakanan at interes ng mga mamamayan kung saan nanggaling ito at walang bahid ng korapsyon,” saad pa ng PAO chief.

Ang nasabing AAPR report ay taunang isinasagawa ng DBM upang mabatid kung paano at gaano ka-epektibo ang mga ahensya ng pamahalaan sa paggamit at paggastos ng pondo na nakalaan sa kanila.

Midyear bonus sa taga-gobyerno, ibibigay na

ni Angela Fernando @News | May 14, 2024

Makakatanggap ang mga kwalipikadong kawani ng gobyerno ng midyear bonus simula Mayo 15 ngayong taon, ayon kay Department of Budget and Management (DBM) Secretary Amenah "Mina" Pangandaman nitong Martes.

Ayon sa DBM, ang halaga ng midyear bonus ay katumbas ng isang buwang basic pay ng mga kwalipikadong kawani ng gobyerno.

Ang bonus ay ibibigay sa mga kawani na nakapagtrabaho nang hindi bababa sa apat na buwan mula Hulyo 1 ng nakaraang taon hanggang Mayo 15 ng kasalukuyang taon.

Samantala, pinaalalahanan din ni Pangandaman sa isang pahayag ang lahat ng government agencies na ilabas ang mga bonus sa tamang oras.

namatay ang mga pasyente ilang linggo matapos ang operasyon.