P-Du30, nagpadala ng flowers… BBM, NAGBIGAY-PUGAY KAY SUSAN
- BULGAR
- May 26, 2022
- 1 min read
ni Nitz Miralles - @Bida | May 26, 2022
Nagbigay-pugay si President-elect Bongbong Marcos sa wake ni Ms. Susan Roces sa Heritage Memorial Park. Kasama ni Bongbong ang asawang si Liza Araneta-Marcos. Sa video na napanood namin, nag-usap sina BBM at Sen. Grace Poe.
Mapapanood din sa video na nagyakap sina Liza at Ms. Helen Gamboa at nagkaiyakan pa. Umupo pa si Liza sa tabi ni Helen at nagkuwentuhan. Paglapit ni Bongbong kay Helen, bumeso ito at tila may ibinulong si Helen sa bagong pangulo.
Dumating din sina Eddie Gutierrez, Annabelle Rama, Roderick Paulate, Sen. Ralph Recto, Sen. JV Ejercito, Sen. Nancy Binay, Sen. Loren Legarda, Sen. Migz Zubiri, Sen. Bong Revilla, Sen. Lito Lapid, Senator Raffy Tulfo, Ben-Hur Abalos, Lovi Poe, Angelu de Leon, Senate President Tito Sotto, at former President Joseph Estrada.
Makikita sa video ang ipinadalang bulaklak ni President Rodrigo Duterte. Ngayong Huwebes ang interment sa labi ni Ms. Susan sa Manila North Cemetery.
Comments