Olsim, atras kay Radzuan; Reyes-Fenis, Gintong Gawad

ni MC - @Sports | February 05, 2022

Malilipat ng petsa ang bakbakan nina Jenelyn Olsim at Jihin "Shadow Cat" Radzuan.

Dumanas kasi ang Pinay ng injury habang nagte-training at kailangan niyang umatras sa laban nila sa ONE: Bad Blood card sa Pebrero 11 sa Singapore Indoor Stadium. "I was supposed to battle Jihin on three weeks' notice, but due to a bad accidental injury I had in one of our sparring sessions, our medical doctor diagnosed me unfit to continue the fight and told me that I need to physically recover," aniya.

Mahirap tanggapin ang balitang ito para kay Olsim na gustung-gusto pa naman muling magbalik sa ibabaw ng cage.

Matatandaang inubos din niya ang lakas at nagpakita ng magandang laban si Olsim kay Ritu "The Indian Tigress" Phogat sa nagdaang ONE Women's Atomweight World Grand Prix semifinals. "I was really looking forward to going back to fighting and I had been preparing really hard for this. "I was so focused that I really wanted to win, but I won't be able to perform at my best with my current condition. It's upsetting, but it's what needs to be done."

Nabigo man kay Phogat, impresibo pa rin ang mga laban ni Olsim mula nang sumampa siya sa women's atomweight division kung saan ang Team Lakay rising star ay may ipinagmamalaking unanimous decision victory kontra kay Bi "Killer Bee" Nguyen sa ONE: Battleground III noong Agosto, 2021.

Samantala, itatampok ng Philippine Sports Commission (PSC) ang Gintong Gawad 2021 ‘Tagasanay ng Isport’ awardee Amihan Reyes-Fenis sa pinakahuli nilang webisode na Rise Up Shape Up ngayong Peb. 5.

Si Coach Reyes-Fenis ay nagsilbing FIG Brevet International Judge ng rhythmic gymnastics. Nag-train din siya ng mahuhusay na gymnastics sa parehong national at international competitions at kinilalang outstanding coach noong 2011 Palarong Pambansa. Suportado ng PSC ang sipag at kakayahan ng sports coaches sa buong Pilipinas dahil partners sila sa training, paghubog ng talento ng mga atleta hanggang sa mailabas ang potensiyal.