Oct. 2021 pa, itinago lang… GLAIZA, UMAMING KASAL NA SA IRISH BF

ni Nitz Miralles - @Bida |February 15, 2022

Kasal na pala si Glaiza de Castro kay David Rainey at noong October, 2021 ginanap ang kanilang kasal sa Northern Ireland. Inamin ito nina Glaiza at David sa Kapuso Mo, Jessica Soho last Sunday.

Sabi ni Glaiza, they waited for the right time to announce na kasal na sila at February 13 ang napili nilang date na ipaalam ito sa lahat.

Ipinost ni Glaiza sa Instagram ang ilang wedding photos nila ni David at nabanggit na ikakasal din sila rito at doon magaganap ang exchange of rings.

“After we got married, some people were asking when we are going to announce it and I honestly thought whether to share it or not since we are also preparing for a wedding in the Philippines. Naisip ko na kung ise-share man namin ‘to, gusto rin naming i-share 'yung naging kuwento at proseso namin.”

“It wasn’t easy for us, much like every relationship. We all have our own pattern and design. Marriage isn’t our end goal, it’s just a part of what’s to come,” post ni Glaiza.

Kahit may asawa na, tuloy pa rin ang showbiz career ni Glaiza at may False Positive series sila ni Xian Lim sa GMA-7 na naurong lang ang airing.