Umulan at bumaha man sa Nagoya, Gilas Men sasabak na vs. Bahrain sa Asiad

by Gerard Arce @Sports News | September 10, 2026

Photo: Ang Parade of Uniform ng Filipino athletes upang maipakita ang kulturang Pinoy na inirampa sa PSC house na susuutin sa 20th Asian Games kasabay ng send off para sa mahigit 400 mga atleta na lalahok sa Asiad habang nauna nang dumayo ng Nagoya ang Gilas team. (Reymundo Nillama)

Nagkaaberya pa ang mga akomodasyon sa Asian Games sa Nagoya, Japan nitong Miyerkules. Natigil ang pagsisimula ng ilang event sa Asian meet matapos bumuhos ang malakas na ulan sa Nagoya kaya naman pinalipat sila ng pamahalaan sa ibang bahagi ng lugar.

Ilan sa mga venues ang inulan na inaasahang magpapatuloy ang mga laro, kung saan nakatakda pa namang ganapin ang elimination round ng men’s basketball ngayong araw ang Gilas Pilipinas laban sa Bahrain bandang ala-1:00 ng hapon sa Aichi International Arena.

Walang nakalaang athletes’ village ngayong edisyon para sa Asian Games, sa halip, umasa ang mga tagapag-organisa sa isang cruise ship, mga pansamantalang container na gawa sa kahoy, at mga hotel upang matuluyan ng mga atleta habang nagpayo na ang mga opisyal ng Nagoya Port Authority na lumikas patungo sa ligtas na lugar mula sa Garden Pier area ng lungsod, kung saan matatagpuan ang mga kubong gawa sa kahoy na container.

Gayunman, nakabalik na rin ang mga atleta matapos bawiin ang kautusan sa paglikas makalipas ang humigit-kumulang dalawang oras, habang nasa maayos na ang mga atleta at walang napahamak sa nangyaring pagbaha.

Siniguro pa rin ng organizers, na pawang maliliit na problema lamang ang kinaharap ng kanilang tanggapan, na hindi magreresulta sa mapanganib at peligrong sitwasyon. “There has been limited impact, like rainwater leaking from the roofs of some buildings, but the situation is not so serious that the opening on the 19th is in jeopardy for now,” pahayag ni Nagoya Mayor Ichiro Hirosawa.

“Given the current circumstances, I believe there will be no obstacles to holding the Asian Games.” Inaasahang dadalo ang mahigit sa 17,000 na atleta at opisyales sa Asian Games, na mas malaki pa sa bilang ng kinatawan sa Olympics.

Nakatakdang magpadala ang Pilipinas ng 464 atleta sa 36 sports at aabot sa mahigit 700 delegasyon kasama ang mga opisyales, coaches, medical personnel at staff na naglalayong higitan ang apat na gintong medalya na nakuha sa 2022 Hangzhou Asian meet.

Mahigpit na vape bans sa Asia maaaring nagtutulak sa illegal markets — experts

ni Chit Luna @News | March 16, 2026

File : FP

Ayon sa ilang international health advocates at policy experts, ang mga pagbabawal sa smoke-free nicotine alternatives ay maaaring nagdudulot ng paglago ng illicit markets, pagbaba ng tax revenues ng gobyerno at pagbabalik ng ilang consumers sa tradisyunal na sigarilyo.

Batay sa ebidensya mula sa iba’t ibang bansa, ang mga regulasyon na layong protektahan ang public health ay maaaring nagkakaroon ng unintended consequences kabilang ang patuloy na mataas na smoking rates.

Sa Southeast Asia, lumalawak ang illegal vape markets sa mga bansang may mahigpit na bans o restrictions. Ipinagbabawal sa Thailand, Singapore, Vietnam at Cambodia ang pagbebenta o pag-angkat ng e-cigarettes, ngunit ayon sa mga ulat at pag-aaral ay nananatiling accessible ang mga produkto sa pamamagitan ng illegal channels.

Sa Singapore, kung saan ipinagbawal ang vaping noong 2018, isang pag-aaral sa journal na Drug and Alcohol Review ang nag-ulat ng patuloy na “illegal vaping culture” kahit may mahigpit na penalties at enforcement. Sa Thailand naman, iniulat ng Bangkok Post noong Pebrero 2023 na nananatiling malawak ang availability ng vaping devices kahit may umiiral na ban.

Sinabi ni Dr. David Khayat, professor sa Pierre et Marie Curie University at dating adviser ni French President Jacques Chirac, na maaaring hindi na sapat ang mga dekada ng taxation at health warnings. Sa isang conference sa Dubai noong 2025, inihalintulad niya ang kasalukuyang nicotine bans sa prohibition era sa Estados Unidos noong 1920s.

“When you try to prohibit it, what's going to happen is mob, mafia, illicit trade and everything,” Khayat said.

Ayon sa Global State of Tobacco Harm Reduction (GSTHR) report, patuloy na nagdudulot ang tobacco ng humigit-kumulang 8 milyong pagkamatay bawat taon sa buong mundo. Sa ulat, binanggit na nananatiling mataas ang smoking prevalence sa low- and middle-income countries kung saan nakatira ang karamihan sa mga smokers.

Binanggit din sa report na ang mataas na buwis at outright bans ay maaaring magdulot ng impresyon na kasing panganib ng sigarilyo ang smoke-free alternatives. Ang ganitong “misperception of harm” ay maaaring pumigil sa mga smokers na lumipat sa lower-risk alternatives habang itinutulak ang bentahan sa unregulated markets.

Ayon kay Dr. Lorenzo Mata Jr., presidente ng Quit for Good, hindi pa nagdudulot ng makabuluhang pagbabago ang kasalukuyang global anti-smoking strategies.

“Smoking rates remain high, particularly in low- and middle-income countries where smokers are denied better alternatives to cigarettes due to the strategy promoted by the WHO. This also results in widespread smuggling and illicit trade,” Mata said.

Ipinapakita ng datos ng World Health Organization na umabot sa 1.25 billion ang global tobacco users noong 2022, halos dalawang dekada matapos ipatupad ang Framework Convention on Tobacco Control.

Sa India, ipinagbawal ang vaping noong 2019 sa ilalim ng Prohibition of Electronic Cigarettes Act ngunit nananatiling available ang mga unregulated devices sa informal channels. Ayon kay consultant cardio-endocrine physician Dr. Rohan Andrade Sequeira, limitado ang tagumpay ng nicotine replacement therapy para sa 250 milyong tobacco users sa bansa.

“There's no way out for these patients who are suffering from behavioral patterns of using tobacco or nicotine,” Sequeira said.

Sinabi ni Kurt Yeo, co-founder ng Vaping Saved My Life (VSML), na nagiging mahirap ang pagtigil sa paninigarilyo sa ilang African countries dahil sa kakulangan ng cessation support at sa malawak na illicit cigarette trade.

Binanggit ni JP Solis, presidente ng Science and Innovation Nicotine Advocacy Group (SINAG), ang lumalaking pagkakaiba ng policy approaches sa pagitan ng Western at Asian countries.

“Instead of reducing nicotine use, the restrictions appear to be shielding or indirectly promoting cigarettes, causing smoking rates to level off or potentially increase as users revert to combustible cigarettes,” Solis said.

“These restrictions can often push consumers towards illicit products while discouraging the development of innovative and less harmful technologies. A balanced approach would protect consumers far more than blanket bans,” he noted.

Isang pag-aaral mula sa University of Queensland ang nagpakita ng pagkakaiba sa policies ng Australia at New Zealand. Habang mahigpit ang restrictions sa nicotine vapes sa Australia, pinapayagan naman ang regulated adult sales sa New Zealand. Natuklasan ng pag-aaral na bumaba ng 10 percent bawat taon ang daily smoking sa New Zealand mula 2016 hanggang 2023, kumpara sa 5 percent decline sa Australia.

Ayon kay Dr. K. Michael Cummings ng Medical University of South Carolina, ipinapakita ng ebidensya mula sa United States, England at Sweden na ang regulated access sa lower-risk nicotine products ay maaaring magpabilis sa pagbaba ng cigarette use.

83 “Most Polluted Cities” sa buong mundo, naitala sa India

ni Eli San Miguel - Trainee @News | March 19, 2024

Naitala ang India bilang bansa na may pinakamalalang polusyon sa hangin sa buong mundo.

Sa bagong ulat ng IQAir, sinasabi nito na nasa Asia ang lahat ng 100 “Most Polluted Cities” noong nakaraang taon. Itinuturing ang krisis sa klima bilang isang pangunahing dahilan ng polusyon sa hangin, na nagdadala ng panganib sa kalusugan ng bilyon-bilyong tao sa buong mundo.

Nagdudulot din ito ng mahigit sa walong milyong pagkamatay taun-taon, na halos 16 kada minuto.

Siyam sa top 10 Most Polluted Cities ang nasa India, na mas mataas kaysa sa anim noong nakaraang taon. Samantala, 49 lungsod sa India ang nasa top 50; at kabuuang 83 lungsod sa India ang nasa top 100.

Sa kasalukuyan, muling naitala ang Delhi bilang "Most Polluted Capital of the World," ang ikalimang pagkakataon sa huling anim na taon.

Gayunpaman, ipinapakita ng ulat ang malalaking kakulangan sa pagsubaybay sa polusyon dahil sa kakulangan ng pondo o kawalan ng political will.