Non-showbiz, Aljur… KYLIE, 'DI PA KAYANG ILANTAD ANG BAGONG LALAKI

ni Erlinda Rapadas - @Teka Nga | May 31, 2022

Curious kami at medyo naiintriga sa inamin ni Kylie Padilla tungkol sa status ng kanyang love life ngayon.

Sa interview ni Nelson Canlas kay Kylie, binanggit niyang “I am dating” nang nakumusta ang kanyang love life. Hindi nga lang nagdetalye si Kylie kung sino ang guy na kanyang idine-date.

Tiyak na non-showbiz ito dahil kung artista, tiyak na maibabalita agad ito sa apat na sulok ng showbiz.

Anyway, deserve naman ni Kylie na maging happy kahit seperada siya. Mahigit dalawang taon na silang hiwalay ni Aljur at naka-move on na siya. Adjusted na sila sa bago niyang buhay ngayon as a single mom.

With regards to Aljur, puwede naman silang maging friends. May agreement sila na co-parenting sa dalawa nilang anak at mahihiram ni Aljur sina Elias at Axl. Hindi niya aalisan si Aljur ng karapatan sa kanilang mga anak.