No. 1 oppa raw niya… CHARO, TUWANG-TUWA NA NAKASAMA SI HYUN BIN

ni Julie Bonifacio @Winner | August 10, 2025

Photo: Charo Santos-Concio at Hyun Bin - IG

Natuwa ang mga netizens kay Charo Santos-Concio sa kanyang fangirl moment kasama ang Crash Landing On You (CLOY) star na si Hyun Bin sa fan meet ng aktor sa Pilipinas.

Bago ang event, nag-post si Charo ng TikTok (TT) video na dedicated sa South Korean actor na may caption na: “I don’t often fangirl, but I couldn’t resist. Hyun Bin, my No. 1 Oppa, No. 1 Oppa ko!”

Talaga namang hindi rin maikakaila ang alindog ni Charo kaya hindi imposible na dahil dito ay maaaring maging malapit siya kay Hyun Bin.

Si Charo ang kinatawan ng CreaZion Studios Artists at Star Magic.

Para sa mga updates, sundan ang CreaZion Studios sa Facebook (FB), X (dating Twitter), Instagram (IG), at TikTok o bisitahin ang creazionstudios website.

---

AFTER ng box office movie ni Direk Julius Ruslin Alfonso na Deadma Walking (DW) last 43rd Metro Manila Film Festival (MMFF), naging careful siya sa susunod niyang project.

Sakto at kinomisyon si Direk Julius ni Rex Tiri ng T-Rex Entertainment ang kauna-unahang proyektong gagawin nila para sa iconic comedian na si Roderick Paulate. Heto na nga ang Mudrasta: Ang Beking Ina (MABI) under CreaZion Studios.

Tsika ni Direk Julius sa amin, “Kuya Dick is the main reason why I readily said YES to the project. He’s forever my idol since his ‘High School Circa 65’ days. This is truly a dream come true.”

Sa kabilang banda, fan din pala si Kuya Dick ng DW. Isa ang OG comedian sa mga jurors noong MMFF 2017.

Nu’ng malaman ito ni Direk Julius, nagkaroon daw siya ng goosebumps moment at maging ang buong team ng Mudrasta. At nu’ng nagkatrabaho na sila, very cooperative raw si Kuya Dick.

Pahayag ni Direk Julius, “He’s very collaborative. In fact before we got into the final or official working script of Mudrasta, our writer Joni Mones Fontanos and I had numerous meetings with Kuya Dick on Zoom and face-to-face.

“Countless and fruitful creative meetings ang bonding moments namin sa kanya. Sequence per sequence, we discussed thoroughly.

“Umarte pa kaming tatlo ng ilang eksena para makabuo ng pinakamagandang dialogue at potensiyal na iconic na linya. Napakasaya at hindi malilimutang karanasan.

“During the first day of the shoot, I was initially consumed by nervousness (directing a legendary icon). But as we went along, ang saya namin at lahat (ay) excited.”

Naging inspirasyon daw ni Direk Julius si Kuya Dick na lalo pang paghusayan ang kanyang trabaho.

Aniya, “Oftentimes, we both came up with additional punch lines that made the scenes even funnier. And talking about work ethics, he’s very serious with his craft. Kaya every shoot, every department is inspired to give their best.”

Ayon pa kay Direk Julius, ang Mudrasta ay nagpapatibay sa pinaka-diwa ng Agape Love.

“True love is unconditional. We meet people along the way who touch our lives like never before. Keep them, fight for them. Otherwise you’ll regret having them as your ‘TOTGA (the one that got away).’ It's never cliché to say that love is universal.

“Kani-kanyang paraan para maipadama ng isang tao ang pagmamahal. Mamahalin ka sa paraang alam n’ya, hold on to that. You’ll know if that person is worth keeping.

Mararamdaman ng puso mo ‘yun, hindi ng isip. Kung sa utak lang, delulu (delusional). Kung sa puso, totoo. IYKYK (If you know, you know),” paliwanag ni Direk Julius.

Mula nang mabuo ang proyektong ito, nagkaroon na raw sila ng malaking pag-asa.

“Now that it will be finally shown, we still are in high spirits. We believe that our local moviegoers are still very much alive.

“Ibalik natin sila sa mga sinehan. At sa magandang balita tungkol sa ating mga pelikulang ipinalabas recently doing great in the box office recently (non-festival playdates), talagang makikinabang dito ang Mudrasta.

“So yes, we are not just hopeful but excited. Masaya maging masaya! Let’s bring fun and entertainment back to the cinemas. Please watch Mudrasta, the ultimate comeback of our beloved versatile icon, Roderick Paulate,” sabi pa ni Direk Julius.

Showing ang Mudrasta, Ang Beking Ina sa mga sinehan sa August 20, Wednesday.