Never nawala sa mga shows niya… ICE, SOBRANG LUNGKOT SA PAGPANAW NG INA

ni Vinia Vivar @Frankly Speaking | June 28, 2025

Photo: Ice Seguerra - IG

Nagluluksa ngayon si Ice Seguerra dahil sa pagpanaw ng kanyang pinakamamahal na inang si Caridad Seguerra o Mommy Caring kung tawagin sa showbiz.

Inanunsiyo mismo ng OPM (Original Pinoy Music) singer ang malungkot na balita sa kanyang Instagram (IG) page kahapon.

“This morning, at 7:54 AM, our family said goodbye to the most amazing woman I’ve ever known: my mom, Mommy Caring,” simula ni Ice.

“Mama lived a full and beautiful life. She was strong, kind, funny in her own quiet way, and always, always there. Mula bata pa ako hanggang ngayon, she never left my side. Every show, every gig, every milestone, she was there. She was always present. Papadalhan ako ng mga paborito kong pagkain, masahe ‘pag masakit ang ulo ko. She made sure she was there kahit may sarili na kaming mga buhay. Walang palya,” ang paggunita ni Ice sa mama niya.

“She supported me not just as an artist, but as her child. She was my fiercest protector. She accepted me and embraced me for who I am, especially who I am not,” patuloy niya.

Bagama’t masakit na masakit kay Ice ang pagpanaw ng ina, nangako naman siya rito na magiging matatag tulad ng itinuro sa kanya simula noong bata pa siya.

“She was my first teacher, my constant cheerleader. My rock. Losing her this morning feels like losing a part of myself. Pero promise ko sa ‘yo, ‘di ba, Mama, brave ako. Ikaw ang nagturo sa akin kung paano maging matatag sa harap ng mga sakit na ibinabato ng buhay. I won’t fail you. Promise ko ‘yun,” aniya.

“She is survived by me and my brother, Juan Carlos Miguel. We will be sharing details of her wake later today,” pagbabahagi pa ni Ice.

“Right now, I just want to ask for your prayers and your love for our family, and most of all, for my beloved mama. Salamat po sa lahat ng nakasama namin sa buhay niya. Salamat sa lahat ng nagmahal at itinuturing din s’yang nanay. You all made her very happy,” mensahe naman niya sa mga kaibigan at nagmamahal sa kanila.

“We’ll miss you forever, Mama. Pero magkasama na kayo ni Daddy. And that gives me comfort. Mahal na mahal kita, Mama ko,” pagwawakas ni Ice.

Mula sa BULGAR, nakikiramay kami, Ice. 

---

TUTUNGTONG sa Kapuso Network para maglaro sa Family Feud (FF) ang well-loved It’s Showtime (IS) kids na sina Kulot, Kelsey, Argus, at Jaze!

Makakalaban nila sa Lunes (June 30) ang The Sunshine Squad (TSS) kasama ang mga bagets na cast members ng Lolong na sina Francis Saagundo, Ryrie Sophia, Scarlet Eunice Alaba, at Drey Lampago.

Samantala, abangan din next week sa FF ang cast ng Akusada, Beauty Empire (BE), at Stars on the Floor (SOTF). Huwag palampasin ang star-studded, fun, and adorable episodes ng top-rating game show hosted by Kapuso Primetime King Dingdong Dantes!