Never daw iiwan kahit ipinasara…

KIM, ROBI, JM, JANE ATBP. KAPAMILYA, PUMIRMA ULI NG KONTRATA SA ABS-CBN

ni Ador V. Saluta - @Adore Me! | December 7, 2020

Sa isang okasyong tinawag na “Star Magic Shines” na ginanap nitong Friday (December 4), ilang Kapamilya stars ang sumuporta at piniling pumirma ng bagong kontrata sa ABS-CBN at sa talent management arm nitong Star Magic, gaya nina Kim Chiu, Robi Domingo, Joseph Marco, JM de Guzman, Andrea Brillantes, Kira Balinger, and Jane de Leon.

Ang mga dating Kapamilya artists ay nag-renew ng kanilang kontrata habang ang bagong P-pop groups na BINI and SHA Boys signed with the network.

Saksi sa pirmahan ng kontrata ang ilang company executives including ABS-CBN president and CEO Carlo Katigbak who delivered a speech at the event.

Sa mga pagsubok na pinagdaanan ng ABS-CBN ngayong taon, pahayag ni CEO Katigbak, "Ang hirap-hirap po ng taong 2020, but ABS-CBN has always been at its best in its most difficult times. This year is no exception. Our commitment to serve the public is the foundation of our company, and so, even without everything that we’re used to, we have not stopped finding new ways to be in the service of the Filipino,” ani Katigbak.

Nagbigay din ng kanyang mensahe si CEO Katigbak sa mga celebrities na pumirma sa kanilang kumpanya.

"Kayo po ang nagbibigay ng liwanag at ligaya sa ating mga Kapamilya.

“Thank you for choosing to be part of our mission. Thank you for believing in our company. And thank you for supporting us in our most difficult moments.

“I hope you believe, as we do, that working in ABS-CBN is not just a career move, it’s not just a job; it’s a calling to serve," sey ni Katigbak.

Sa isang press conference pagkatapos ng contract signing, inihayag ni Enchong Dee na hindi niya kailanman naisip na iwanan ang kanyang home network na ABS-CBN.

“It was really never a thought. Hindi dumating sa ‘kin ‘yung pagdadalawang-isip even when everything was going on with the pandemic and the shutdown. Never ko siyang inisip. ‘You want to stay with Star Magic?’ Yeah, it’s my home. ‘You want to stay with ABS?’ Yeah, it’s my home.”

Ayon naman kay Kim Chiu, "Siguro, may kani-kanya naman ding decisions ‘yung bawat artist and irespeto natin ‘yung decisions na ginawa nila. But for me, I am happy na nandito ako as a Star Magic artist ever since. Hindi ko alam pero parang gusto ko nandito na ako.

Dito na ako lumaki and alam ko kung pa’no sila mag-alaga. And si Direk Lauren (Dyogi, ang bagong Star Magic head) naman is really sobrang maalaga talaga na tao and tatay siya ng marami sa ‘min dito sa showbiz industry, kaya I am happy, no doubt.”

Nagbigay din ng kanyang mensahe si Direk Lauren sa nasabing event. Si Dyogi ang pumalit kay Johnny Manahan na mas kilala bilang Mr. M, kasama si Mariole Alberto bilang mga Star Magic founders.

Aniya, “Thank you to Mr. M and Mariole, Star Magic is known to produce, to hone, and to manage the brightest and most talented stars in Philippine show business. Today, we continue this legacy and tradition.

“As we welcome new artists to the Star Magic family, we also want to express our deepest gratitude to the Star Magic artists who chose to stay with us, as we continue to rebuild and explore new opportunities,” pagtatapos ni Direk Lauren.