Never babaguhin ang lifestyle… MARIEL, TODO-SHOPPING, WA' PAKI KAHIT SENADOR SI ROBIN

ni Vinia Vivar @Frankly Speaking | May 22, 2023

Inamin ni Mariel Rodriguez na sa simula ng relasyon nila ni Robin Padilla ay ginusto rin naman niyang makasal sa simbahan since she's a Catholic, pero hindi raw talaga ito puwede dahil nga Muslim ang kanyang mister.

"We wanted to, we want to (have a church wedding), but 'yung church kasi gustong mag-convert siya and I will not ask that of him," sabi ni Mariel sa vlog ni Bea Alonzo.

As we all know ay isang Muslim si Robin. And of course, hindi rin naman daw siya hinilingan ng asawa niya na magpa-convert into Muslim.

Matatandaang tatlong beses nang ikinasal sina Robin at Mariel. The first marriage was a Muslim wedding in India, pangalawa ay sa isang Christian rites at pangatlo ay via Igorot wedding ceremony at lahat ng 'yun ay nangyari noong taong 2010. Ngayon ay may dalawa na silang anak, sina Gabriela and Isabella.

Napag-usapan din ang tungkol sa pera at ayon kay Mariel, ang pera ni Robin ay pera ng lahat.

"In my head, dapat, his money is my money, tapos my money is my money. In my head, ganu'n, 'di ba? Kaya lang, his money is everybody's money, eh," sey ni Mariel.

Kaya siyempre, she has to make her own money dahil marami siyang ka-share sa pera ni Robin.

"Kasi magastos ako. Aminado naman ako," aniya. Mahilig daw talaga siyang mag-shopping at bumili ng mga mamahaling bags, etcetera. Kabaligtaran naman ni Robin na walang kaluhu-luho sa katawan.

"Si Robin, ang t-shirt niyan, 'yung ibinigay sa kanya ng Kawasaki," tsika ni Mariel.

Pati raw ang cologne nito ay mga bigay lang din ng ibang tao.

"Pero 'yung to buy, hindi siya bibili. Pero it works for us," dagdag niya.

At kahit politician's wife na siya ngayon, hindi naman daw dapat magbago ang kanyang lifestyle, since sariling pera naman niya ang ginagastos niya.

"Excuse me! Ang sobra kong sipag para sabihin n'yo sa akin na ‘wag akong mag-shopping, ha! At saka bago pa siya maging senador, nagsa-shopping na po ako," sey ni Mariel.