Nauntog na kontrabida sila... MGA JALOSJOS, TODO-BANAT NOON, TODO-PURI NGAYON SA TVJ

ni Erlinda Rapadas @Teka Nga | June 14, 2023

Mukhang nag-iba ang tono at diskarte ng mga Jalosjos ngayon sa isyu nila nina Tito Sotto, Vic Sotto at Joey de Leon.

Kung dati-rati ay palaban at maingay ang style nila, ngayon ay biglang bawi at mahinahon na. Hindi na “nega” ang atake nila kundi naging positibo na.

Marahil ay na-realize nila na the more na sinisiraan nila ang TVJ, the more na mas nakakakuha ng simpatya ang tatlo at silang magkakapatid (Jalosjos) ang lumalabas na kontrabida.

Matatandaang sinabi nila before na hindi lang TVJ ang dahilan kung bakit tumagal ang Eat… Bulaga! ng apat na dekada sa ere.

Ngayon, tila nagbago na ang ihip ng hangin at todo-puri na ang mga Jalosjos kina Tito Sen, Vic at Joey. Sinabi pa nga ng mga ito na walang puwedeng pumalit sa iconic trio.

Bukod doon, binati pa ng TAPE, Inc. ang TVJ at mga Dabarkads sa paglipat nila sa TV5 bilang kanilang bagong network at tahanan. Dito na nga ipalalabas ang bagong noontime show ng mga original hosts ng EB!.

Well, let’s see kung sincere nga ba talaga ang mga Jalosjos sa kanilang mga sinasabi at ginagawa ngayon. Ang mga viewers naman ang bahalang magdesisyon kung ano’ng programa ang kanilang patuloy na tatangkilikin.