top of page
Search
  • BULGAR

Natutunan sa hiwalayan nila ni Elijah… “I WILL LOVE MYSELF MORE THIS TIME” – MILES

ni Reggee Bonoan @Sheet Matters | December 6, 2023




Masaya si Sharon Cuneta na si Miles Ocampo ang gumanap na girlfriend ni Alden Richards na gumanap namang anak niya sa pelikulang Family of Two (A Mother and Son Story) na produced ng Cineko Productions at idinirek ni Nuel Crisostomo Naval bilang entry sa Metro Manila Film Festival 2023.


‘Anak’ din kasi ang turing ni Shawie kay Miles na una niyang nakatrabaho sa pelikulang BFF: Best Friends Forever noong 2009. At ganu’n din ang dalaga, nang malamang si Megastar ang makakasama niya ay talagang excited siya at ginawan ng paraan ang busy schedules niya ng kanyang management.


Anyway, sa ginanap na mediacon ng Family of Two (A Mother and Son Story) ay hindi maiwasang tanungin si Miles tungkol sa hiwalayan nila ni Elijah Canlas at kung kumusta na nga ba siya pagkatapos ng lahat.


“I’m good. I’m happy na nandito po ako, kasama kayong lahat,” nakangiting sabi ng aktres.

Suportado raw siya ng magulang niya sa mga dinaanan niya.


“Alam mo ‘yung mga parents, kahit hindi ka magsabi sa kanila, kahit hindi ka magsalita, at kahit hindi ka mag-share, nararamdaman nila kung ano ang nararamdaman mo.


“I am grateful sa mommy ko, sa parents ko, actually. Kahit wala kayong conversation, mararamdaman mo, bigla na lang magte-text ang mama na, ‘Kumusta ka? Kumusta ka today?'” kuwento ni Miles.

At ang natutunan niya sa hiwalayan nila ni Elijah, “I will love myself more this time.”


“It’s a tie!” naman ang nakatawang sabi ni Miles nang subukan siyang tanungin tungkol sa dinaanan din ni Kathryn Bernardo sa ex-boyfriend niyang si Daniel Padilla.


Anyway, excited na si Miles dahil napasama siya sa Family of Two (A Mother and Son Story) at wish niya ngayong Pasko na tangkilikin ng sambayanang Filipino ang lahat ng pelikulang entry sa Metro Manila Film Festival 2023.


 


Inamin ni Pokwang sa mediacon ng pelikulang Becky and Badette na entry ng IdeaFirst Company sa Metro Manila Film Festival 2023, na nagkausap na sila ng ex-partner niyang si Lee O’Brian at nahihiram na nito ang anak nilang si Malia.


“Yes, ipinapahiram ko na, kasi it’s all about Malia naman, eh. Okay na, nakakadalaw na naman siya at naipapasyal na niya ‘yung bata.


“So, ngayon, hinihintay ko kung kailan niya uli gusto (makipag-bonding sa anak), kasi importante sa akin ‘yung happiness ng anak ko. Saka magpa-Pasko, eh, alam naman nating lahat that Christmas is for children.


“Okay na ako, okay na. Kailangan, eh. Kailangan ko nang maging okay. Magtu-2024 na, ayoko nang magbaon ng alam mo ‘yun? Du’n naman sa fadir, in fairness, lately nag-effort naman. Hindi ko naman ipinagdamot, okay, go, bonding kayo,” paliwanag ni Pokie kung bakit sila nagkaayos na.


Kung si Pokwang ang dalawin ni Lee?

“Hindi! Okay na ‘ko, wala naman akong sakit! Hahahahaha!”


Ang ama ni Malia raw ang nag-reach out.


“Bigla na lang siyang nag-message. Sabi niya, ‘Puwede ko bang isama si Malia, manonood kami ng Aladdin.’ Kasi last year, nanood kami, ganyan-ganyan, mga Disney Princess. Sabi ko, ‘Okay, sige.’ So, dinala ko ‘yung bata sa lugar nila. Ganern, so okay naman.”


Pero sa tanong kung totally okay na sila, “May proseso ‘yan, hindi naman agad-agad ‘yan. Kagaya nga ng sinabi ko, dapat ang 2024, light-light na lang tayo, happy-happy lang.”

Samantala, ‘kaaliw ang Becky and Badette base sa trailer na napanood namin at kahit na medyo luma na ang joke ay ang ganda pa rin ng mga linyahan kaya kapag si Jun Robles Lana ang director, it must be funny talaga.


Basta masaya, at kaya pala nasa Top 4 ito sa latest survey na panonoorin ay dahil masaya at mawawala ang stress mo habang nasa loob ka ng sinehan at kumakain ng popcorn.


Ang lakas din ng impact ng theme song ng Becky and Badette dahil ang hit song na Working Girl na originally sung by Chona Cruz noong 1984 ang ginamit dito.


Kasama rin sa pelikula sina Agot Isidro, Romnick Sarmenta at Adrian Lindayag, with guest appearances Iza Calzado, Sunshine Dizon, Karylle, Ice Seguerra, Moira Dela Torre, Christian Bables, Janice De Belen, Gladys Reyes, Sheryn Regis, Sharlene San Pedro, Timothy Castillo, Joross Gamboa, Victor Silayan at Press Hit Play.



0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page