Napikon sa basher, pinatulan… ANNE, LAGI RAW ABSENT SA IS, NAGING FEMALE TV HOST OF THE YEAR PA

ni Vinia Vivar @Frankly Speaking | July 2, 2025

Photo: Anne Curtis - IG

Nanggigil si Anne Curtis sa komento ng isang netizen sa X (dating Twitter) tungkol sa pagkakapanalo niya bilang Female TV Host of the Year sa katatapos lamang na 53rd Box Office Entertainment Awards.

Ipinost ng official X account ng It’s Showtime (IS) ang award ni Anne at dito ay marami ang kumuwestiyon kung bakit siya nanalo gayung pala-absent siya sa nasabing noontime show.

Pero may isang komento na hindi nakapagpigil si Anne at sinagot niya talaga ito. 

Sey ng netizen, “Filipino awards are weird. The one who was always absent got an award. It just leads to the interpretation that Philippines shows or contests are cooking shows.”

Sa sagot ni Anne ay sinabi niyang hindi raw based this year ang panalo niya kundi last year pa which is true naman.

“FYI (for your info), THIS WAS BASED ON LAST YEAR! When I was in my different hair girl era. Not this year,” paliwanag ni Anne.

May netizen naman na nag-post ng screenshot ng sagot ni Anne at inilagay naman nito sa caption: “Umagang-umaga gigil n’yo si ate @annecurtissmith.”

Ini-repost ito ni Anne at sinagot uli ang mga bashers na kumukuwestiyon sa kanyang pagkakapanalo.

“GIGIL NILA AKO, E. Hayaan n’yo, makakaasa kayo wala akong hosting award next year because I was absent for half of this year acting for 2 different projects. 1 that I have yet to finish. Happy? Right @itsShowtimeNa,” litanya ni Anne.

Pero maya-maya ay muling nag-tweet si Anne at medyo kalmado na siya. Aniya ay ayaw daw niya ng bad vibes kaya hindi na siya nagpapaapekto sa mga masasakit na salita tungkol sa kanya.

“Sticks and stones may break my bones but as of 10:40 AM I’ve decided to not let the words hurt me. Ok! See you guys on @itsShowtimeNa today! Ayoko na ma-bad vibes! Iwan ko lang ‘yan kay Mia Hernandez,” sey ni Anne.

---

Kailangan din daw alagaan ang relasyon nila…

MEGAN AT MIKAEL, NAG-DATE, ANAK INIWAN SA BAHAY

NAG-TIME-OUT muna ang mag-asawang Mikael Daez at Megan Young sa pag-aalaga ng kanilang baby boy at nag-date muna.

Ibinahagi ni Megan ang mga larawan sa kanilang dinner na aniya ay first date nila matapos siyang manganak. 

Ayon sa aktres, hindi lang ang baby ang kanilang kailangang alagaan kundi maging ang kanilang relasyon as a couple.

“Mom and Dad’s first date out! We decided to celebrate our new chapter as parents by celebrating each other (hand heart emoji) we’ve been taking care of Leon day in and day out but we also need to keep nourishing and taking care of our bond as husband and wife.

“Love that we could have this time together, also celebrating with family, @sandrodaez and @antet.bea (who was also celebrating her birthday!),” ani Megan.

Sinabi rin ng Kapuso actress na excited na siya na maisama sa labas ang kanilang anak ‘pag ready na ito. 

Sa ngayon nga naman kasi ay one month old pa lang ang first baby nila.

“Thankful for the help that we got last night to watch Leon at home while we were out for a couple of hours!! So excited to bring him out of the house and to let him explore ‘pag ready na,” aniya.