Napagod sa mga 'sabugan' sa teleserye… IZA, NAG-ENJOY SA LIGHT ACTING SA BAGONG SERIES SA VIU

ni Janiz Navida @Showbiz Special | October 11, 2022

First time nina Iza Calzado, Jake Cuenca, Isabelle Daza, Sue Ramirez at Gabby Padilla na gumawa ng light drama series na produced ng Viu, video streaming app, titled K-Love.

Sabi nga ni Iza, sanay siya sa mga Pinoy teleserye na bongga ang production settings na may pasabugan pa minsan at inaabot nang magdamagan ang taping kaya ubos na ubos ang kanyang energy pagkatapos.

Pero sa Viu original series na K-Love, ang gaan-gaan lang daw ng kanilang working experience, and yet, na-enjoy nila nang bongga at proud naman sila sa kani-kanilang naging acting, sabihin pang hindi ito heavy drama na kabugan sa pag-arte.

Na-enjoy ng lead cast ang kani-kanilang role kaya ang dami nilang kuwento about their experience taping K-Love sa ginanap na mediacon sa My Cinema ng Greenbelt, Makati last Saturday.

Si Sue nga, feel na feel daw ang kanyang role na bossy dito sa K-Love at nagbiro pang baka sa 2025 ay tumakbo na rin siyang congresswoman.

Why not? 'Di ba't mayor naman sa Victoria's City sa Negros Occidental ang kanyang boyfriend na si Javi Benitez?

Anyway, going back to Iza, ayaw magpa-pressure ng aktres sa magiging feedback ng mga viewers sa kakaibang acting na ibinigay niya rito sa K-Love.

Katwiran nga niya, "Kung chararat, di chararat!" at kung ma-appreciate naman daw ng mga viewers, eh, di well and good.

So, don't miss the premiere of this series streaming on October 14, 2022 with brand new episodes every Friday exclusively on Viu and simulcast in 16 markets across Asia, the Middle East and South Africa.