Nanood ng concert nila ni Regine… SHARON AT PANELO, BATI NA DAHIL KAY ROBIN

ni Julie Bonifacio - @Winner | June 19, 2022

Present si Robin Padilla sa Iconic concert nina Megastar Sharon Cuneta at Asia’s Songbird Regine Velasquez na ginanap sa Marriott Hotel, Pasay City last Friday.

And guess who’s with the number one senator in the last national elections?

None other than former President Rodrigo Duterte's Chief Presidential Legal Counsel and Presidential Spokesperson Salvador “Sal” Panelo.

Si Panelo ang sinasabi na tatayong legal counsel ni Robin sa Senado, na for sure, recommended by Pres. Duterte’s camp since si Sal din ang naging legal adviser during Duterte's 2016 presidential campaign.

In-acknowledge ni Mega si Robin upon learning na nasa crowd daw at nanonood ng Iconic concert ang mister ni Mariel Padilla.

And then, in-acknowledge rin ni Mega ang name ni Panelo.

Hindi naman lingid sa marami na nagkaroon ng isyu between Sharon and Sal during the campaign period last elections.

Nag-react si Mega nu’ng kantahin ni Sal ang iconic song niya na Sana’y Wala Nang Wakas sa kampanya ng UniTeam nina BBM at Sara Duterte.

Pero after i-acknowledge ni Mega si Sal ay si Robin na ang topic ng spiel ni Sharon.

Inirekomenda ni Sharon ang kanyang mister na si Sen. Francis “Kiko” Pangilinan kay Robin kapag kailangan nito ng tulong sa Senado. Kailangan daw magkakampi sila, something to that effect.

Towards the end ng concert, nag-back-to-back ng kanilang super-hit na pambirit sina Shawie at Regine.

Ang kantang Narito ang inawit ni Regine at ang controversial song na Sana’y Wala Nang Wakas ang kay Sharon.

Pero bago kumanta si Sharon ay may-I-spiel siya na super special sa puso niya ang Sana’y Wala Nang Wakas which indirectly ay sinasabi niyang kaya nasaktan siya nu’ng kantahin ito ni Sal sa kampanya ng kalabang kandidato ni Sen. Kiko.

“Of course, this is for Sec. Panelo. This is for you, Sir. We should do this together,” sabi ni Sharon.

Dahil d’yan, klaro na all’s well between Sharon and Sal.

Marami ang humanga kay Sharon for doing this after the concert. Kasi, kitang-kita ang humility ni Mega.

Actually, mukhang lahat ng mga personalities na nagkaroon ng isyu kay Mega ay naayos na. At nakakatuwa na si Mega na ang naunang magpakumbaba.

Kudos din kay Robin na sa tingin namin ay siyang gumawa ng paraan para magkaayos ang kanyang “Ma’m” and at the same time, his favorite leading lady, at ang kanyang legal adviser.

Certified peacemaker talaga si Robin, deevah?