Nang malamang nabuntis si Rere… RURU, 4 NA ORAS KINAUSAP SI KAI SOTTO

ni Beth Gelena @Bulgary | August 6, 2026

Photo: Kai Sotto, Rere Madrid at Ruru Madrid - IG - FTWBA

Natanong si Ruru Madrid sa guesting niya sa Fast Talk with Boy Abunda (FTWBA) nitong Martes (August 4) tungkol sa kapatid niyang si Rere Madrid hinggil sa pagbubuntis nito.

Ibinulgar ni Ruru na nang malaman niya ito, hiniling niya kay Kai Sotto, mister ni Rere, na bumalik sa Pilipinas mula Japan para personal na sabihin sa kanilang mga magulang ang tungkol sa pagbubuntis ng kapatid. 

Apat na oras daw silang nag-usap sa telepono. Sa kabila ng kanyang abalang iskedyul sa basketball at mga laro sa Japan, bumalik naman si Kai sa Pilipinas, nakipag-usap sa pamilya nina Ruru, at bumalik sa Japan kinabukasan.

Sinabi ni Ruru na lubos niyang iginagalang at pinahahalagahan si Kai sa pagkakaroon ng lakas ng loob na personal na harapin ang sitwasyon.

Masaya raw sila na naging parte ng kanilang pamilya ang mister ni Rere.

“During that time, si Kai nasa Japan pa. So sabi ko, better siguro na kasama natin si Kai ‘pag ini-announce natin sa magulang natin itong pangyayaring ‘to.

“So, tinawagan ko si Kai. Nag-usap kami for like 4 hours through phone and then du’n sinabi ko sa kanya na, ‘Bro, better siguro na umuwi ka rito sa Pilipinas and then sabihin mo kung ano talaga 'yung nangyari.’”

Binigyang-diin din ni Ruru na pinahahalagahan niya ang kahandaan ni Kai na harapin ang sitwasyon nang personal, lalo na’t ang manlalaro ng basketball ay nasa kalagitnaan ng kanyang mga commitments sa Japan.

Ani Ruru, “Mula ru’n, sobrang inirespeto ko si Kai kasi talagang ginawa n’ya kahit na sobrang busy s’ya sa Japan. May mga games s’ya. To be honest, parang ang nangyari, umuwi lang s’ya para sabihin and then the next day, bumalik na s’ya ng Japan.

“So, usap-usapan, na-appreciate ko po ‘yung tao kasi ‘di naman po lahat ng lalaki ay may ganu’ng tapang na harapin po kung ano ‘yung sitwasyon.”

---

Sa Las Vegas daw gustong ikasal para may divorce… BARBIE, SINOPLA NG ABOGADO

Barbie Forteza

NAGBIGAY ng reaksiyon si Atty. Joji Alonso sa sinabi ni Barbie Forteza tungkol sa divorce.

Natanong kasi ang Kapuso actress tungkol sa pangarap niyang kasal.

Sa isang panayam, nagpahayag si Barbie ng isang mapaglarong komento tungkol sa kasal na lumikha ng malakas na ingay online.

Tinanong siya tungkol sa kanyang pangarap na kasal, at ayon sa kanya, ito ay gaganapin sa Las Vegas, suot ang isang Vera Wang gown, at du'n niya gusto para may divorce.

Nakuha nito ang atensiyon ng netizens at nagdulot ito ng paglilinaw sa batas tungkol sa kung paano tinatrato ng batas ng Pilipinas ang mga kasal at diborsiyong nakuha sa ibang bansa.

Pahayag ni Atty. Alonso, “Sadly Barbie Forteza, IF you marry (even in Vegas) a fellow Filipino citizen who remains Filipino all throughout your marriage, any divorce you obtain will not be recognized under Philippine law. Your marriage continues to subsist due to what is known as the ‘nationality’ principle. Your nationality follows you wherever you are. And since divorce is not recognized under Philippine law, you remain married to him.

“It would be different IF you married a foreign national and your husband divorced you. That divorce may be recognized under Philippine law since it would be sheer absurdity for you to continue being married to a foreigner who is no longer married to you.”