Namatay si P-Noy, nagbago na… KRIS: UNAHIN ANG IBA BAGO ANG SARILI

ni Ador V. Saluta - @Adore Me! | February 28, 2022

Humihiling ng panalangin si Kris Aquino para sa isang napakadelikadong gamutang gagawin para sa kanyang sakit.

Sa kanyang Instagram, humingi rin siya ng pang-unawa dahil mag-o-offline muna siya sa kanyang social media dahil kailangan niya ito para siya'y makapagpahinga at maging stress-free.

Kris wrote, "Sobrang dami ninyo, bago ako matulog, gusto kong mag-THANK YOU. 8 months ago, my brother died, at some point, I'll be ready to share our journey, and how profoundly his death changed me and my priorities.

"Most important lessons: we can't change the past, today is all we have, because tomorrow is never promised. FAMILY should always come first. Fulfill your promises because you are only as good as the words you honor, and alagaan, pasalamatan, mahalin 'yung mga taong tapat at totoong may malasakit sa 'yo.

"Ang importante, unahin ang iba (especially ‘yung mga mahalaga sa puso mo) bago ang sarili," makahulugan niyang post.

Dagdag pa niya, "Offline muna ako, baka lang magtaka kayo. Kailangan kong maging rested & as stress free as possible until Sunday kasi may susubukang treatment.

"Praying very hard na kayanin ng katawan, kasi ito 'yung magiging paraan para maging mas okay ang quality of life ko. 1st dose ito, pero alam ko 'yung possible risks involved."

Dagdag pa niya, "Please pray for the doctors & nurses na mag-aalaga sa akin. The whole process will take about four hours plus observation time, 3 days rest before and 3 days rest after.

I have faith in God's plan and His timing.

"Please, 'wag nating i-claim that I'll be healed, 'wag natin Siyang pangunahan. I continue praying for the Faith to continue Hoping that I'll get healthy enough for those who still need and love me. Good night," pamamaalam pa ni Kris.