Naka-couple outfit pa, Carmina at Zoren… CASSY, IDINISPLEY ANG BAGONG LALAKI

ni Janiz Navida @Showbiz Special | February 18, 2026

Photo: Cassy Legaspi - Instagram

Soft launch daw ng bago niyang boyfriend ang ipinost ni Cassy Legaspi na picture nila ng guy sa kanyang Facebook at Instagram account nu’ng Valentine’s Day (Feb. 14).

Usap-usapan ngayon sa social media ang latest post ni Cassy ng picture nila ng isang hindi pinangalanang lalaki na hindi rin inilantad ang buong mukha. 

Sa naturang post, hindi lang basta sweet vibes ang napansin ng mga netizens kundi pati ang couple outfit ni Cassy at ng kanyang “mystery guy”.

Isa sa mga unang nagkomento ay si Ashley Ortega na nobya ng kapatid ni Cassy na si Mavy Legaspi. 

Sa comment section, pabirong tanong ni Ashley, “Daawhoo?” na agad namang sinagot ng aktres ng “Weeehh” at nakakatawang emoji.

Maraming netizens ang natuwa at napa-“Sino nga ba?” sa naturang post ni Cassy.

May ilan namang nanghula sa Facebook comment section at sinabing si Vince Maristela raw ‘yun. Naglatag pa nga ng resibo ang ilang netizens na suot ni Vince ang gray sweater na katulad ng suot ng mystery guy na kasama ni Cassy sa photos.

Sa ngayon, wala pang kumpirmasyon mula kay Cassy kung ano ang tunay na estado ng relasyon nila ng naturang guy. Pero dahil sa couple outfit at sweet aura nila, hindi maiwasang kiligin ang mga fans.

---

Ikinasal uli, inulan ng panlalait… 

VIC, APO NA LANG DAW SI PAULEEN, PATI HITSURA NG MGA ANAK, NA-BASH

GRABE talaga at hindi na makatarungan at makatao ang ilang bashers sa talas ng dila at panlalait sa mga celebrities. Kung makapanghusga ang ilan, akala mo’y walang ni isang kapintasan sa katawan.

Nabasa namin ang ilang comments sa nai-post na pictures nina Vic Sotto at Pauleen Luna na kuha nu’ng nag-renew sila ng vows para sa kanilang 10th wedding anniversary.

Sobrang below the belt ang mga panghuhusga sa celebrity couple na ito na wala namang sinasaktan at inaapakang tao para laitin nang ganu’n-ganu’n na lang.

May ilang bastos na netizens na nag-comment na “Apo na lang ni Vic ang kinan*** niya” at pati ang mga anak nilang sina Tali at Mochi ay idinamay pa at sinabing dahil sa layo ng age gap nina Vic at Pauleen, kaya nagkaganu’n daw ang hitsura ng mga bata.

Jusko, nakakakilabot makabasa ng mga ganitong comments. Nasaan ba ang puso at utak ng mga taong ito at parang nakalimutan nang maging mabuting tao?

Sa totoo lang, kung pikon at sensitive ang isang celebrity, puwedeng-puwedeng magsampa ng kaso sa mga evil bashers na ‘to lalo’t may mga batang idinamay sa pamba-bash nila.

Hay! Sana lang talaga ay may mga masampulan na sa pambu-bully nilang ‘yan sa social media nang maging lesson para sa iba na maghinay-hinay sa pagbibitiw ng harsh comments.

---

Misis nag-hotel daw, sumalisi… 

ALVIN, PINAGDUDAHANG ‘DI ANAK ANG IPINAGBUBUNTIS NI IZZY

KUHANG-KUHA naman ng dating StarStruck avenger na si Alvin Aragon, ang mister ng dating Sexbomb girl na si Izzy Trazona, ang gigil ng madlang pipol dahil sa mga pinagsasasabi niya kaugnay ng kanyang pagiging Born Again Christian.

Viral nga ngayon sa social media ang mga binitawang pahayag ni Alvin tulad ng “Pinag-resign ni Lord si Izzy” sa pagiging member ng Sexbomb Girls, “You will go to hell” na patungkol sa pagpili ng anak ni Izzy na si Sofia na maging transgender at pati ‘yung hirit niyang “Hindi dapat pinapayagan ni Alex (Castro) ang misis niya na magsayaw nang sexy” dahil ‘tukso’ raw ito sa mga kalalakihan at ayaw ni Lord ang ganu’n.

Pero bukod diyan, ang hindi kinaya ng mga netizens ay ang pagdududa ni Alvin sa misis niyang si Izzy na ‘may ibang lalaki” itong nakasalisi sa kanya.

Sa isang panayam kasi sa mag-asawa, naikuwento ni Izzy na nu’ng buntis siya sa kanyang second child kay Alvin at sinabi niya ito sa mister, ang naging sagot daw sa kanya ng dating aktor ay “Hindi akin ‘yan!” 

Dagdag pa raw nito, “Malay ko kung ano’ng nangyari, siya lang mag-isa. Nagho-hotel ‘to (Izzy) eh. Nagpo-promote siya ng Netflix sa ABS noon.” 

Juskolord! Kung Christian pala siya, tama bang mag-isip at husgahan ang misis niya nang ganu’n-ganu’n na lang?

No wonder, gustong hagisan ng asin ngayon ng madlang pipol itong si Izzy nang magising daw sa katotohanan, habang gusto namang busalan itong si Alvin nang matigil na raw sa pandadamay pati kay Lord sa kanyang mga sinasabi na hindi katanggap-tanggap para sa marami.