Nainggit kina Maja at Rambo… RAYVER, ATAT NA SA KASAL NILA NI JULIE ANNE

ni Nitz Miralles @Bida | August 2, 2023

Iniwan sandali ni Rayver Cruz ang girlfriend na si Julie Anne San Jose para dumalo sa wedding nina Rambo Nuñez at Maja Salvador. Close friends sina Maja at Rayver at noong pareho pa silang nasa ABS-CBN, lagi silang magkapareha sa mga dance numbers dahil parehong magaling sumayaw ang dalawa.

Kaya, hindi puwedeng wala si Rayver sa kasal nina Maja at Rambo at kasama niyang dumalo ang kapatid na si Rodjun Cruz. May photo ang Cruz brothers with Maja and Rambo at may picture sina Rayver kasama ang kaibigan.

“Congratulations on your happily ever after, Maj. So, so happy for the both of you!” caption at greetings ni Rayver sa mga ikinasal.

Nag-comment si Julie ng red heart emoji sa post ni Rayver sa Maja at Rambo wedding at ang sagot ni Rayver ay “@myjaps can’t wait, my Love” na ang hula ng mga fans, ang kanilang kasal ang tinutukoy ni Rayver.

Kaya ayun, kinilig ang mga fans at sana raw, next year na ikasal sina Rayver at Julie, pero kailangan niyang mag-propose muna. Ang ikinatuwa at kinakiligan ng mga JulieVer fans, sigurado na si Rayver na si Julie ang kanyang forever at sinasabi niya ito sa mga interviews sa kanya.

Samantala, showing pa rin ang The Cheating Game movie nina Julie at Rayver at kahit ang huli, sinasabing pelikula ito ni Julie at ang galing daw ng GF niya bilang si Hoe Celestial.