Nagpatawad na raw… BEA, INIURONG NA ANG DEMANDA VS. CRISTY AT 2 CO-HOSTS

ni Julie Bonifacio @Winner | February 15, 2026

Photo: IG / FIle

Nag-sorry na si Cristy Fermin kay Bea Alonzo. Dahil diyan at sa kabutihan ng puso ng aktres, nagdesisyon siya na patawarin na ang TV host-showbiz columnist at iurong ang demanda laban sa manunulat at TV host.

Inihabla ni Bea ng kasong cyber libel si Cristy at dalawa pa niyang kasamang hosts na sina Romel Chika at Wendell Alvarez sa kanyang programa last year.

Sa pamamagitan ng official statement na inilabas ng abogado ni Bea, natuldukan na ang haka-haka ng iba sa paghingi ng apology ni Cristy.

Ayon sa official statement ng kampo ni Bea: “After two years of legal proceedings and with the case pending before the Regional Trial Court, this matter has run its course under the law. The process has not been easy for any party involved. It has required accountability, reflection, and fortitude.

“It is within this context that I share the perspective that led our client, Ms. Bea Alonzo, to consider resolving this matter through mediation.

“This decision is neither an act of retreat nor concession. Rather, it is an act of resolve, anchored in forgiveness.

“Upon deep reflection, Ms. Alonzo has chosen to forgive. Not out of weakness but out of strength. Not to erase what was done, but to free herself from a cycle of harm and hostility that no longer serves her life or her purpose.

“She views this chapter not as something to carry forward but as something to close, with grace, dignity, and peace.

“Moving forward, Ms. Alonzo wishes to focus on what truly matters: her work, her advocacies, and her role as a woman who uplifts others, particularly those navigating their own silent battles.

“We ask that this moment be seen for what it truly is: not merely an ending, but a powerful expression of emotional maturity, personal growth, and courage.

“We thank all those who continue to respect both the legal process and the humanity behind it.”

Kaugnay nito, may nakapagsabi rin sa amin na naunang humingi ng tawad kay Bea ang dyowa ng dating driver ng aktres. Ang dyowa ng driver ang nagkalat ng fake news tungkol sa aktres.

Napatawad na rin ito ni Bea. Harinawang may natutunang aral ang babaeng ito sa kanyang ginawa.

Aprub na aprub ka d’yan, Bea Alonzo!

---

Dok at hair stylist, nag-post ng mga photos…

KRIS, SA BAHAY LANG NAG-CELEBRATE NG B-DAY

TAHIMIK si Kris Aquino sa kanyang Instagram (IG) sa mismong araw ng birthday niya last Valentine’s Day. Pero ang ilang malalapit sa kanya ang nag-post sa social media ng naging birthday celebration.

Una, ang doktor (internist) ni Kris na si Dr. Geraldine ‘Ging’ Zamora. Ishinare nito ang ilang pictures na kuha sa simpleng celebration sa birthday eve ni Kris.

Dahil hindi pa puwedeng rumampa sa labas, sa bagong lipat na house muna ni Kris naganap ang pagdiriwang.

Makikita sa mga pictures ang pagkakaroon ng laman ng katawan ni Kris, at pati sa mukha. Although, may nagsasabi na baka manas lang ang ‘pagtaba’ niya.

Makikita rin sa pictures na ipinost ni Dr. Ging ang mga anak ni Kris, her glam team, at si former Bureau of Internal Revenue (BIR) Commissioner Kim Henares.

May sariling entry din sa IG ang hair stylist ni Kris na si Jonathan Velasco ng kaganapan sa birthday salubong ng TV host.

Caption ni Jonathan: “Happy Birthday, Madam @krisaquino and Happy Valentine’s Day. You are such an inspiration, and my prayer is for your healing, peace, and love today and always. May all the love you give return to you tenfold. Love, love, love.”

Bumaha ng pagbati para kay Kris Aquino sa comment section ng magkahiwalay na IG posts nina Dr. Ging at Jonathan.

Bongga!