Nagkamali ng bagsak… REGINE, NAAKSIDENTE SA SAYAW, PAA NAPURUHAN

ni Julie Bonifacio @Winner | June 25, 2024

Kahit may iniindang sakit at nakabenda ang paa, umapir pa rin ang seksing si Regine Tolentino sa ginanap na launch ng Belle Blush & Glow kamakailan.

Si Regine ang nag-host ng bonggang launch ng beauty products na pag-aari ni Maribel Vitales dahil matagal na raw siyang business partner nito.

“Actually, ka-ano ko si Hector (Belle Blush and Glow executive). He’s my kumpare and I always do zumba for him. Tapos s’ya ang nag-invite sa ‘kin na gusto ko ring i-share sa Zumba community ko,” pahayag ni Regine.

Na-fracture raw ang paa ni Regine last week during the rehearsal ng show niya sa Shangri-La The Fort dahil namali ang landing niya sa kanyang lifting. 

Kuwento niya, “Grabe, eh. Hindi ako makalakad nang maayos, pero hindi naman kailangang operahan. Siguro, mga hanggang two weeks pa siya masakit pero rumaraket pa rin. Tiis-ganda. Hahaha!”

With regards sa kanyang showbiz/acting career, ini-reveal ni Regine na matagal na siyang nililigawan ni Vic del Rosario for Vivamax.

Tsika ni Regine, “Ang sabi ko, ‘Talaga? Puwede pa ba?’ Hahaha!”

Puwedeng-puwede lalo pa’t ang iba na halos kasabayan niya sa showbiz ay sumakay na

rin sa bandwagon ng pagpapaseksi sa streaming platform ng Viva Films.

“Kaya nga, eh. Uhm, ‘pag kaya na ng schedule, yes. Dire-diretso na ‘yan. Tapusin ko muna ‘yung mga commitments ko this year,” sey ni Regine. 

Open naman daw siya sa ideya na umarteng muli. 

“I am actually… as long as it fits sa schedule ko, 'coz I have to travel a lot because of my zumba. But I hope to get back into doing films and TV next year, 2025. May offers from Viva so hopefully, ‘pag kaya. Hahaha!

“As a matter of fact, I wrote a script that I wanted to do. It’s a dance movie. Sana suportahan n'yo ako when I get back to it at sana, makapagdirek din,” lahad ni Regine.

Sagot naman niya sa tanong na what if may breast exposure, na karaniwang napapanood sa Vivamax, “Uh, no,” habang nakangiti. 

“Hanggang It’s Showtime lang nangyari ‘yun. Hanggang du’n na lang ‘yun. Hahaha!

“Saka may maliit pa ako, eh. Pero sila, (isa niyang anak na babae) matured na sila. Okey naman sila, mga cool sila. But since I still have a four-year-old daughter pa, siyempre. Saka, baka magdamdam si Dondi.”

Definitely, magpapaalam daw muna siya sa mister bago tumanggap ng proyekto sa Vivamax. 

“Yeah, of course, I’ll ask him. However, s’ya naman ‘yung mas open-minded. But, I think kunwari lang ‘yun. 

“Tuma-tumbling nga ‘yun kapag may nag-message ng mga MILF sa mga post ko. ‘Yung mga name na sexy message. So, baka hindi niya kayanin,” kasunod ang malakas na tawa ni Regine. 

Samantala, ayon kay Ms. Maribel Vitales, wala pa silang napipiling celebrity endorser ng kanilang beauty products. 

May mga pangalan na raw ng celebrities na isinumite kay Ms. Maribel na medyo swak sa personality ng produkto nila, pero tinitingnan din daw kasi nila ang attitude ng magiging celebrity endorser na kukunin nila.

Kabilang sina Loisa Andalio, Mariz Racal at Belle Mariano na wish ni Ms. Belle na makuha nilang celebrity endorser.

“Gusto ko sana si Belle para swak,” sambit ni Ms. Maribel.