Nabili sa online store… DRA. BELO, NABUDOL SA P900 K NA CHANEL BAG, LIPSTICK LANG ANG KASYA

ni Reggee Bonoan - @Sheet Matters! | July 14, 2022

Dahil sa hiya sa kakilalang sales representative sa France ay napilitang bayaran na ni Dra. Vicki Belo ang Chanel evening bag na lipstick lang ang puwedeng ilagay.

Mahilig mamili sa online store ang kilalang dermatologist at cosmetic laser surgeon ng mga designer bags and clothes kapag wala siya mismo sa lugar kung saan ito nabibili at ang latest budol find niya ay ang Chanel silver metal evening clutch na nabibili sa French luxury fashion house na Cruise 2021/22 collection na nagkakahalaga ng $16,000 o P900,000 sa pera natin.

Kuwento ni Dra. Vicki sa kanyang YouTube channel, “I saw this bag, I saw it on Vogue, I think, Elle, or Bazaar. I’m not sure but I tore the page out, as usual. Luma pa ako.

“But I took a picture of the page, I sent to my sales associate at Chanel in Paris, ‘Can you find it for me?’

“So the problem with buying online and the reason I don’t like to do it is kasi I can’t tell the size. It doesn’t naman say.

“So in my head, I needed an evening bag. Akala ko naman, it was a bit bigger. But when it arrived, it’s very small.

“But according to her (sales associate), it was hard to find 'cause there’s only two in France. Of course, nabudol na naman ako kasi limited edition. Nu’ng nakita ko, sabi ko, ‘Ah, ano'ng gagawin ko dito?'”

At dahil nahiya na rin sa sales representative na naghirap hanapin ang ipinabili niyang luxury bag ay binayaran na rin ni Doc Vicki.

“I don’t know whether to be happy or sad because I thought it was gonna be an evening bag na medyo clutchy na malaki.

“And then, it arrived like this. Since my S.A. had a hard time finding this, nahiya na akong huwag nang bilhin.”

“Sabi ko, ‘What will I put inside?’ You know what she said to me? ‘Nothing, lipstick! It’s a statement piece!'” natawang kuwento nito.

Kaya ang payo ng celebrity doctor sa mahihilig sa luxury at branded items ay dapat sa physical store talaga mamili para makita nang personal at mabusisi nang husto.

“When you buy something from Chanel, buy it now, 'cause they raised prices five times last year, by 20 percent each time! Grabe, five times!” saad ni Dra. Vicki.

Samantala, hindi lang ang Chanel evening bag ang nabili nito dahil isa-isa rin niyang ipinakita ang mga paborito niyang brands tulad ng Fendi at Versace’s limited-edition collaboration, ang Fendace, Dolce & Gabbana at Hermes.

At dahil nabudol siya ng almost a million ay memorable ang Chanel silver-tone hammered metal evening clutch sa lahat ng nabili niya.