Motor sinalpok ng bus, estudyante todas

by Mervin Reyes @News | October 28, 2026

Photo: File

Nasawi ang 20-anyos na college student matapos mabangga ng pampasaherong bus ang minamaneho niyang motorsiklo sa Maharlika Highway, Brgy. Panikihan, Gumaca, Quezon nitong Martes.

Ayon sa Quezon police, nangyari ang insidente alas-12:35 ng hatinggabi habang bumibiyahe ang biktima. Patungong Bicol naman ang bus nang makasalpukan nito ang motorsiklo. 

Nag-overtake umano ang bus sa isa pang sasakyan at napunta sa kabilang linya bago ang banggaan. 

Dinala sa kustodiya ng pulisya ang driver ng bus, na mahaharap sa kaukulang kaso.