More than 100K likes na… RHIAN, 'DI BINUBURA ANG COMMENT NA MUKHA SIYANG PETRANG KABAYO

ni Nitz Miralles - @Bida | June 3, 2022

Nagpasalamat si Rhian Ramos sa mga bumati sa kanya sa 16th anniversary niya sa showbiz at kasama sa mga blessings niya ang mga shows na ginawa kasama ang Artikulo 247 na magtatapos na this Friday. Minahal at kinampihan ng mga viewers ang karakter ni Rhian sa Afternoon Prime ng GMA-7 at kinainisan naman ang karakter ni Kris Bernal.

Ang request ng mga fans ni Rhian sa GMA-7, ‘wag namang patagalin ang next project ng aktres sa network dahil mami-miss nilang mapanood ito nang regular. Wish din ng mga fans na mapanood nila si Rhian na kumakanta sa All-Out Sundays.

Speaking of Rhian, pinasok na rin niya ang online food business sa pagbubukas ng Healthy Appetite by Rhian. Masasarap ang food dito, plant-based meat alternatives na you can order via Grab Food. May Instagram account ang food business ni Rhian that you can check at gugustuhin mong tikman ang mga nasa menu.

Hindi pa pala dine-delete ni Rhian sa kanyang IG ang comment ng isang netizen na look-alike ang aktres ni Petrang Kabayo. More than 100K na ang nag-like ng comment na pinagtatawanan ng friends ni Rhian dahil kasinungalingan.