Miyembro ng SSS, pensiyunado at employer, gumamit ng online channel para sa mga transaksiyon

ni Fely Ng - @Bulgarific | August 17, 2021

Hello, Bulgarians! Inulit ng Social Security System (SSS) ang panawagan nito para sa mga miyembro, pensiyunado, sakop na employer, at publiko na gamitin ang mga online service channel para sa kanilang mga transaksiyon habang patuloy na nagpapatupad ang gobyerno ng mga quarantine protocol upang malimitahan ang pagkalat ng COVID-19.

Sinabi ni SSS President at CEO, Aurora C. Ignacio na ang mga serbisyong online ng SSS ay nagbibigay-daan sa mga stakeholder na maisagawa nang maayos at mahusay ang kanilang mga transaksiyon ng ligtas sa kanilang mga tahanan o tanggapan.

“In our My.SSS Portal, there are over 30 member services and nearly 20 employer services available, which includes registrations, benefit and loan applications, inquiries, submission of documents, and many more,” pahayag ni Ignacio.

Mga nakapaloob na serbisyong magagamit sa My.SSS Portal:

• Pag-access sa impormasyon ng pagiging kasapi, Disbursement Account Enrollment Module (DAEM), Benefit Re-Disbursement Module (BRM), Appointment System, and Simulated Retirement Calculator.

• Pagsumite ng request para sa mga record ng pagiging miyembro; Member Data Change Request para sa simple corrections; Maternity Notification para sa self-employed, voluntary, non-working spouse, at Overseas Filipino Worker members; Maternity Benefit Application at Adjustment Maternity Benefit; Unemployment Benefit Application; Funeral Benefit Application; Retirement Benefit Application (subject to qualifying conditions for online filing); Personal Equity Savings Option Application; Flexi Fund Application; Salary Loan Application; and Pension Loan (for renewal) Application.

• Pagtatanong sa kontribusyon, loans, status ng benefit claims, at Remittance Transfer Company/Cash Payout Outlet (RTC/CPO) reference number.

• Paglikha ng Payment Reference Numbers (PRNs) para sa kontribusyon at loan.

• Pag-update ng mga katanungan sa seguridad.

Ang mga employer, na gumagamit ng My.SSS Portal ay maaari ring magamit ang mga sumusunod na serbisyo:

• Pag-access sa impormasyon ng employer, DAEM, and BRM.

• Pagsumite ng Contribution Collection Lists (R3), Employment Reports (R1A), Loan Collection List (ML2), Sickness Benefit Reimbursement Applications (SBRAs) para sa bago at paunang claim, Maternity Benefit Reimbursement Applications (MBRAs), Adjustment of MBRAs, at Sickness and Maternity Notifications ng kanilang mga empleyado.

• Sertipikasyon ng kanilang mga empleyado, tulad ng Retirement Benefit at Salary Loan Applications.

• Pagtatanong sa mga kontribusyon, loans at reimbursement claims.

• Pag-update sa contact information.

• Paglikha ng PRNs para sa kasalukuyan at nakalipas na buwang kontribusyon at loans.

Ang ilan sa mga nasabing serbisyo ay maaaring ma-access sa pamamagitan ng iba pang mga SSS online channel tulad ng SSS Mobile App, Text-SSS, at Self-service Express Terminal.

Bukod dito, may mga magagamit na online at alternatibong channel ng pagbabayad ng SSS, na maaaring tingnan sa https://bit.ly/SSSPayments.

Para sa karagdagang impormasyon tungkol sa iba’t ibang mga serbisyong online ng SSS i-click ang link: http://bit.ly/expreSSS. Maaari ding sundan ang Facebook at YouTube sa “Philippine Social Security System,” Instagram sa “mysssph,” Twitter sa “PHLSSS,” o sumali sa Viber Community sa “MYSSSPH Updates”

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.