Mister, natukso lang daw sa iba… NETIZENS KAY CARLA: 'WAG MONG ISUSUKO SI TOM!

ni Erlinda Rapadas - @Teka Nga | January 28, 2022

Kahit hindi pa nagbibigay ng pahayag ang mag-asawng Carla Abellana at Tom Rodriguez tungkol sa balitang may problema ang kanilang pagsasama, kumbinsido ang marami na may bahid ito ng katotohanan.

Posible raw na natukso si Tom sa ibang babae, pero, hindi naman dapat na humantong agad sa paghihiwalay.

Three months pa lang silang naikakasal at natural lang na may selosang nagaganap paminsan-minsan.

Seven years na naging magkasintahan sina Carla at Tom bago sila nagpakasal. Sa loob ng panahong 'yun ay nakilala na nila nang husto ang isa't isa. At ngayong mag-asawa na sila, dapat ay mas matibay na ang kanilang pagsasama.

Kadalasan, ang marriage ay tumatagal dahil sa pagdadala ng isang babae. Dapat na tanggapin ng misis kung anuman ang pagkukulang at pagkakamali ng kanyang mister. Hindi dapat na sumuko agad ang isang babae kapag may dumating na problema at pagsubok sa kanilang pagsasama.

Kaya naman, marami ang nagpapayo kay Carla na huwag basta i-give-up si Tom at ipaglaban ang kanilang marriage.

Ngayon masusubok kung gaano niya kamahal ang lalaking pinakasalan niya.