MISS UNIVERSE PHILS. 2020, ITINULOY KAHIT MAY COVID PA

ni Nitz Miralles - @Bida | October 25, 2020

Mapapanood sa GMA-7 ang inaabangang pageant ng taon na Miss Universe Philippines this Sunday, 9 AM, na may replay sa 10:30 PM sa Kapuso Network.

For the first time, bukod sa limited na production staff ay wala munang live audience sa competition dahil sa banta ng pandemic.

Lahat ng pre-pageant events kasama ang preliminary interview, national costume, swimsuit, evening gown at grand finale ay sa Baguio Country Club sa Baguio City gaganapin. Ito’y bilang pagsunod sa ipinatupad na FDCP-DOH Health and Safety Protocols for the Conduct of Film and Audiovisual Production Shoots to Mitigate COVID-19.

Si KC Montero ang host ng Miss Universe Philippines 2020. Si Benjamin Alves ang Preliminary host at si Jessica Sanchez ang magpe-perform sa opening number. Sina Anjo Damiles, Allen Cecilio at Kevin Montillano ang manghaharana sa mga kandidata sa evening gown competition.