Miss U contestant, binastos daw… KC MONTERO, BINANTAANG 'WAG PUPUNTA SA BOHOL

ni Nitz Miralles - @Bida | October 28, 2020

Finally, may taga-Bohol na supporter ni Pauline Amelinckx, ang Miss Bohol sa 2020 Miss Universe Philippines, na nag-sorry kay KC Montero dahil sa pamba-bash nila rito nang mag-host sa katatapos lang na beauty contest.

Na-offend ang ibang mga taga-Bohol na supporter ni Pauline dahil feeling nila, binastos ni KC ang dalaga sa interview bago ang Q&A.

Kahit paulit-ulit na ipinaliwanag ni KC na edited ang napanood nila dahil sa gabi ng coronation night, mapapanood na nagbibiruan ang dalawa, grabe ang pamba-bash kay KC at sinabihan pa siya ng isang netizen na ‘wag pupunta sa Bohol na parang pagmamay-ari nito ang lugar.

Gaya ng ipinangako, ipinost ni KC ang unedited video ng convo nila ni Pauline at doon malalaman na hindi niya binastos ang contestant at masaya pa nga silang nag-usap at nagbiruan.

“I hope this ends all of the bashing that’s coming my way. I should’ve just let this go and focused on the positive aspects of the event. But instead I opened my mouth to try to defend myself which seemed to draw more attention to what was to Pauline and I an innocent joke. The shitstorm that followed was unpleasant. So I hope everyone can see the joke in its entirety,” part ng post ni KC.

Ang daming nang-bash kay KC, pero isa pa lang ang naglakas ng loob na mag-sorry sa kanya. Comment tuloy ng isang netizen, saan na ang matatapang na siniraan ang buong pagkatao ni KC dahil lang sa isang bagay na hindi naman nila napanood nang buo?

Mabuti na lang at hindi na-stress ang wife ni KC sa bashing na nakuha ng asawa, buntis pa naman si Stephanie Dods at manganganak na sa December.