Misis ni Pacquiao, binentahan ng diamond… ANNABELLE, MAY P3 MILYONG UTANG DAW KAY JINKEE

ni Julie Bonifacio @Winner | April 2, 2026

Photo: Jinkee Pacquiao at Anabelle Rama / IG

Gulat na gulat ang madlang pipol sa isyung pinaputok ng isang netizen sa Instagram (IG) laban kay Annabelle Rama.

Itsinika ng isang Rose Ekay Verano na may utang daw si Annabelle kay Jinkee Pacquiao.

Aniya pa, nasa P3 milyon daw ang utang ni Annabelle kay Jinkee. Binentahan daw nito si Jinkee ng moissanite diamond, pero hindi na niya idinetalye ang kuwento sa likod nu’n.

Nagmula ang pagputak ni Rose kay Annabelle dahil sa kanyang business partner na si Ador Feliciano.

Pinadalhan daw ni Annabelle si Ador ng kung anu-anong masasakit na salita na may kasamang pagbabanta.

Sinilip namin ang IG account ni Ador. Nakita namin na isa si Jinkee sa dalawang followers nito.

True kaya ang mga akusasyon ni Rose Ekay Verano kay Annabelle Rama?

Bukas ang aming pahina para sa paglilinaw ng nanay nina Ruffa, Richard at Raymond Gutierrez.  

---

MAY bagong post ang kaibigang doktora ni Kris Aquino sa Instagram na si Dr. Geraldine ‘Ging’ Zamora.

Proud na idinispley ni Dr. Ging ang picture nila ni Kris hawak ang favorite books ng TV host-actress.

Caption ni Dr. Ging, “#Bookwormsunite! Thanks, Ate K, for my Holy Week stash. I miss getting lost in another world through novels, something I only really get to do during long breaks.

“What’s your book reco? My next after these would be Project Hail Mary! (Thanks in advance, @binibiningbing!)”

Na-happy ang mga fans ni Kris sa post ng doktor niya.

“Your charm is coming back, Kris. It looks like your charm is delicious.”

“Good to see Ms @krisaquino again! Miss seeing her eponymous watch collection.”

“Ang cute mo, Madam @krisaquino.”

Wow!