Misis ni John, nagsalita na… PRISCILLA, MAY PATUTSADA SA MGA BABAENG PUMAPATOL SA MAY ASAWA NA

ni Nitz Miralles @Bida | March 30, 2023

Naintriga ang mga nakabasa sa cryptic post ni Priscilla Meirelles, asawa ng aktor na si John Estrada, kung sino ang kanyang pinatutungkulan sa tanong niyang "What to call a female that entertains married man?"

Sa isang naunang post, na ang tawag ng mga nakabasa ay "hugot" post, sabi naman ni Priscilla, "Married men/women who chase single boys/girls are seriously so pathetic."

Walang ibinigay na clue si Priscilla sa kanyang mga posts, kaya ang mga netizens ay nahihilo na sa paghahanap ng clues.

Sino nga kaya ang pinatutungkulan ni Priscilla sa kanyang mga posts?

Wala naman tayong nababalitaang may problema ang mag-asawang Priscilla at John.

Dumalo pa nga sila sa 17th Anniversary Party of Nice Print Photo and they made a lovely pair that evening.

So, sino nga kaya ang pinatatamaan ni Priscilla?