Misis, never daw binugbog… TOM, UMAMING DIVORCED NA SILA NI CARLA

ni Nitz Miralles - @Bida | June 18, 2022

Burado na ang thread ng sagutan ni Carla Abellana at ng netizen sa YouTube channel kung saan nagsalita na finally ang aktres sa sitwasyon nila ni Tom Rodriguez.

Nakagugulat ang mga sinabi at ibinahagi ni Carla, kaya hindi na kami nagtaka na hindi pinalagpas ni Tom at finally ay nagsalita na rin ito nang mahingan ng pahayag ng GMA News kaugnay ng mga ibinulgar ng misis.

Sa balitang lumabas sa 24-Oras kagabi (June 17), nagbigay ng pahayag si Tom, na ngayon ay nasa USA, through his manager na ganito ang nilalaman.

"I left the Philippines for US last March 13, with the realization that despite all my efforts, Carla had already given up on our marriage.

"A lot has been said against me but in the end, Carla and I are the only two people who know the truth. I refuse to allow anyone, who only wants to use us and our brokenness, for news.

"It was not a perfect relationship, but we both know how much we loved each other."

Nabanggit din at inamin ni Tom ang kanyang pagkukulang kay Carla bilang partner nang mawala raw ang malaking pera niya matapos maloko ng taong pinagkatiwalaan niya.

Pero, idiniin ni Tom na hindi niya kailanman sinaktan o pinagbuhatan ng kamay si Carla sa 7 taon ng kanilang relasyon.

Tinanggap na rin ni Tom ang desisyon ni Carla na tuluyan na silang maghiwalay at aniya, ang kanyang pamilya sa US ang itinuturing niya ngayong strongest support system niya.

Nagulat din kami sa ibinulgar ni Tom na divorced na raw sila ni Carla.

Aniya, "Now that the divorce decree is final, I truly wish Carla's birthday wish be granted and that she finds the happiness she is searching for."

US citizen si Tom at maaari raw siyang mag-file ng divorce, pero kikilalanin lang daw ito sa Pilipinas matapos mag-file at aprubahan ng korte ang petition of recognition of foreign divorce decree.

Sa ngayon, hinihintay ng lahat kung muling sasagot si Carla sa mga pahayag ni Tom.