Misis mo, Sen. Chiz, umamin… HEART, NATAKOT HUBARAN AT BATUHIN NG KAMATIS, ATRAS SA RALLY AT PARIS FASHION WEEK

ni Nitz Miralles @Bida | September 25, 2025

Photo: Alden RIchards - Instagram

Nalungkot man ang mga supporters ni Heart Evangelista sa ibinalita nito via Instagram (IG) Live na hindi siya dadalo sa Milan Fashion Week at Paris Fashion Week this September, masaya na rin sila sa binanggit nitong magpa-file siya ng kaso sa mga paid trolls na panay ang pamba-bash at paninira sa kanyang pagkatao, at walang tigil sa pagpapakalat ng fake news.

Nabanggit din ni Heart na nakipagkita na siya sa kanyang lawyer. Ibig sabihin, seryoso na siyang magdemanda. Ito ang aasikasuhin niya kaya hindi muna siya magpa-fashion week.

Excited ang mga supporters ni Heart kung sino ang mga kakasuhan niya kaya nagbigay sila ng pangalan ng mga dapat niyang idemanda. 

Tama lang daw na masampulan ang mga grabeng mang-bash sa kanya at alamin kung sino ang nasa likod nito.

Sa IG Live, nabanggit din ni Heart na gusto sana niyang dumalo sa Trillion Peso March, kaya lang, may nagbanta raw na huhubaran siya. 

Kapag naman um-attend siya ng Paris Fashion Week, may nakarating sa kanya na may babayaran ang mga bashers para batuhin siya ng kamatis.

May nabanggit din si Heart na hindi siya puwedeng ma-stress lalo na sa October dahil may ita-try siya at kailangang well-rested siya. Hindi nag-elaborate si Heart kung ano ang ita-try niya. 

Anyway, nagpaabot ng suporta at pagmamahal kay Heart ang kanyang mga supporters. May mga messages sila para sa kanya na ang iba ay ilalabas namin dito:

“Never allow anyone to destroy the hard work and dreams you’ve poured your heart into. Don’t let their words or accusations define your worth, especially when you know the truth.”

“Yes for the legal action! They’ve been trashing you nonstop na para bang ikaw ‘yung ultimate culprit sa issue na ‘to. Nagpi-feeling mga accountant pa ng bayan, even counting every cent that you earned.”

---

Binash dahil sa mga sinusuportahan… 

MIKA, TODO-SORRY NA NAKA-FOLLOW KAY KITTY DUTERTE AT SA MGA NEPO BABIES

ISYU sa mga netizens at fans na pina-follow nina Mika Salamanca, female grand winner ng Pinoy Big Brother (PBB) Celebrity Collab Edition, at PBB housemate Shuvee Etrata si Kitty Duterte.

Pina-follow din ni Mika ang isang sinasabing nepo baby na si Christine Lim at pati na si Gela Alonte. 

May mga fans na na-disappoint dahil sa nadiskubreng ito.

Nag-sorry si Mika sa X (dating Twitter), “I understand where the disappointment and frustration are coming from and I am truly sorry. If I can only say one thing about this, I assure you that I stand and will always stand with the people. Yes, I admit that I had questionable choices of friends when I was at my lowest, but one thing has always been clear to me: I’ve always made sure to stand my ground even during those times. I spoke about what I believed in no matter who I was around.”

Kung may mga na-disappoint kay Mika, marami rin ang nakaintindi at patuloy ang suporta sa kanya.

Proud sila kay Mika for speaking up at pag-amin na nagkamali siya.

Well, ang tanong ng mga fans ni Mika Salamanca, kasalanan ba niya na friend niya si Kitty Duterte at ilan sa mga nepo babies?

---

After 2 yrs. na nagsama sa condo ng aktor…

JAKE AT CHIE, LAST MONTH PA HIWALAY, PAREHONG TAMEME 

TAMA ba ang tsika na last month pa raw naghiwalay sina Jake Cuenca at Chie Filomeno, pero ngayon lang lumabas ang balita dahil walang nagsalita sa ex-couple?

Nakatulong daw ang pagiging busy ng aktor sa tatlong projects niya kaya hindi masyadong iniisip ang paghihiwalay nila ni Chie.

Isa pang tsika, out of town daw ang aktres nang i-message ni Jake na tapos na sila. Ang aktor ang nag-ayos ng mga gamit ni Chie at ipinadala sa bahay nito dahil sinabihan na huwag nang bumalik sa condo kung saan sila nakatira.

Almost 2 years din pala ang relasyon nina Jake at Chie. May mga nanghihinayang lalo na ‘yung nakasubaybay kung paano nag-effort ang aktor to win Chie hanggang sa maging sila. 

Noong nasa courting stage pa lang sila, ang sipag mag-comment at mag-like ni Jake sa bawat post ng aktres sa Instagram (IG). Tapos, mauuwi rin pala sa wala.

Pinapayuhan si Jake Cuenca na ipahinga muna ang puso, huwag munang mag-GF at mag-concentrate sa Batang Quiapo (BQ), What Lies Beneath (WLB), at sa ginagawa niyang pelikula.